سبی ، کالعدم یو بی اے کے فراری کمانڈر نے 6ساتھیوں سمیت ہتھیار ڈال دیئے، قومی دھارے میں شامل ہونے کا اعلان
جمعرات 17 ستمبر 2015 17:50
سبی (اُردو پوائنٹ اخبار تازہ ترین۔ 17 ستمبر۔2015ء ) ہیڈ کوارٹرزسبی سکاؤٹس میں کالعدم بلوچ تنظیم یو بی اے سے تعلق رکھنے والے فراری کمانڈر ڈاکٹر جمعہ خان نے اپنے چھ ساتھیوں سمیت ہتھیار ڈال کر خود کو قانون کے حوالے کردیا ملک وقوم سے وفاداری کا حلف اٹھاکر قومی دھارے میں شامل ہوگئے تفصیلات کے مطابق سدرن کمانڈبلوچستان کمانڈر ناصر حسین جنجوعہ ، آئی جی ایف سی بلوچستان میجر جنرل شیر افگن کی ولولہ ایگزقیادت و بلوچستان کو امن کا گہوراہ بنانے کیلئے کئے گئے اقدامات سمیت حکومت پاکستان کی جانب سے پہاڑوں پر اپنی زندگیاں ضائع کرنے کی بجائے اپنے گھر بچوں کے پاس عزت کے ساتھ رہنے اور عام معافی کے اعلان کے بعد سبی سمیت بلوچستان بھر میں فرار ی کمانڈز کا ہتھیار ڈالنے کا سلسلہ تیز ہوگیا جمعرات کے روز ہیڈ کوارٹر سبی سکاوٹس میں کالعدم بلوچ تنظیم کے فراری کمانڈر وان کے چھ ساتھیوں کے ہتھیار ڈالنے کی پروقار تقریب ہوئی جس میں برگیڈئر سید احسن رضا ریدی ،ڈی آئی جی سبی انتصار حسین جعفری، کمانڈر سبی سکاؤٹس کرنل حماد احمد رضا ، ونگ کمانڈر وقاص ملک ، چیئر مین ضلع کونسل سبی ملک قائم خان دہپال ، چیئرمین میونسپل کمیٹی سبی حاجی مولانا داؤد رند، کرنل بلال احمد ، کرنل بہادر مجیب ، سبی سکاؤٹس کے لفٹینٹ امان اﷲ ، پی اے محمد الیا س کے علاوہ دیگر آفیسران واہلکار وں کی بڑی تعداد موجود تھی کالعدم بلوچ تنظیم یو بی اے سے تعلق رکھنے والے فرار ی کمانڈر ڈاکٹر جمعہ خان ولد گہورام خان مری نے اپنے چھ ساتھیوں کے ہمراہ برگیڈیئر سید احسن رضا زیدی ،ڈی آئی جی سبی انتصار حسین جعفری کے سامنے ہتھیار ڈال کر اپنے زیر استعمال خطرناک ہتھیاروں کو ڈی آئی جی سبی کے حوالے کردیا اس موقع پر ڈی آئی جی سبی ریجن انتصار حسین جعفری نے کہا کہ کچھ ناگزیر وجوہات کی بناء پر ہمارے ناراض بلوچ بھائی پہاڑوں پر چلے گئے جن کا پہاڑوں سے اتر کر قومی دھارے میں شامل ہونا خوش آئند اقدام ہے انہوں نے کہاکہ اگر وہ پہاڑوں پر اپنا وقت ضائع کرنے کی بجائے تعلیم اور بچوں کی تربیت میں گزارتے تو وہ آج خوشحال ہوتے تقریب سے خطاب کرتے ہوئے فراری کمانڈر جمعہ خان نے کہا کہ ہم نے اپنی ساری جوانی سرداروں کے کہنے پر ضائع کردی ان پہاڑوں پر جانے کی وجہ سے ہمیں کافی نقصان ہوا ہے جس کی وجہ سے ہمارے کئی ساتھی مارے گئے اور ہمارے بچے ان پڑھ اور جاہل ہیں سردار خود تو بیرون ملک بیٹھے ہوئے ہیں ان کے اپنے بچے تو محلوں میں رہتے ہیں اور ہم جانوروں کی طرح پہاڑوں پر خوار ہیں ابھی ہمیں سمجھ آئی ہے اس وجہ سے ہم پہاڑوں سے اتر کر اپنے ہتھیار پھینک کر قومی دھارے میں شامل ہورہے ہیں اور قرآن پاک پر حلف اٹھا کر آئندہ پاکستان اور اس کے آئین کے وفادار رہیں گے۔
(جاری ہے)
مزید قومی خبریں
-
گورنر سندھ کامران خان ٹیسوری کی چاند پر پاکستانی سیٹلائٹ آئی کیوب قمر بھیجے جانے پر قوم کو مبارکباد
-
سٹی ٹریفک پولیس نے ای چالان ادا نہ کرنے والی متعدد گاڑیاں پکڑلیں، ای چالان نادہندہ گاڑیوں کے مالکان پولیس سروسز حاصل نہیں کرسکیں گے، ترجمان
-
وزیر اعلٰی بلوچستان میر سرفراز بگٹی کی زیر صدارت محکمہ خوراک کا اعلٰی سطحی جائزہ اجلاس، گندم خریداری پالیسی اینڈ پلان 2024 کا جائزہ لیا گیا
-
نجی بینک میں 5کروڑ روپے سے زائد جعلی کرنسی جمع کروانے والے 3ملازمین گرفتار
-
وزیر نجکاری عبد العلیم خان سے آذر بائیجان کے سفیر کی ملاقات ،ملکی و علاقائی صورتحال پر تبادلہ خیال
-
بس مجھے قتل کرنا رہ گیا ہے ،میں موت سے نہیں ڈرتا، عمران خان
-
تربت و گردونواح میں زلزلے کے جھٹکے ،کوئی جانی نقصان نہیں ہوا
-
انصاف پسند معاشرے کے لیے آزاد صحافت ضروری ہے، بیرسٹر مرتضی وہاب
-
چیئرمین پیپلزپارٹی بلاول بھٹو کی وزیراعظم ہاوس آمد ، وزیراعظم نے استقبال کیا اورحکومت میں شامل ہونے ایک بارپھردعوت
-
حریت فکر کا علم بلند کرنے والے ہر صحافی کو سلام: مریم نواز شریف
-
وزیراعلیٰ پنجاب مریم نوازکی خضدار بم دھماکے کی مذمت
-
پاسپورٹ دفاترمیں ایجنٹوں کیخلاف کریک ڈائون جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.