الخدمت فاؤنڈیشن نے زلزلہ زدگان میں 20ہزار مکانات تقسیم کیے،نعمت اﷲ خان
پا نی کی سیکڑوں اسکمیں قائم کیں ،زلزلے کے 10سال کے دوران بھر پور امدادی کام کیے ،الخدمت نے متاثرین کو تنہا نہیں چھوڑا،سابق ناظم کراچی
جمعہ 9 اکتوبر 2015 20:16
کراچی(اُردو پوائنٹ اخبار تازہ ترین۔ 09 اکتوبر۔2015ء) سابق ناظم کراچی نعمت اﷲ خان نے کہا ہے کہ الخدمت فاؤنڈیشن آج بھی 8اکتوبر 2005کے زلزلہ متاثرین کی خدمت میں مصروف ہے،زلزلے کے10 سال کے دوران متاثرین میں 20ہزار مکانات تقسیم کیے گئے،1000سے زائد مساجد تعمیر کیں ،30سے زائد اسکولز بنا ئے،کے پی کے میں ڈائیگنو سٹک سینٹرز،کلیکشن پوائنٹس ،میڈیکل سینٹرز قائم کیے گئے، یہ بات انہوں زلزلہ سے متاثرہ علاقوں میں الخدمت کی خدمات کے 10 سال مکمل ہونے پر جمعہ کو اپنے بیان میں کہی ،انہوں نے کہا کہ زلزلے کے بعد شمالی علاقہ جات وآزاد کشمیر میں نظام زند گی درہم برہم ہو گیا تھا ، گھروں، اسکول کالجز ،مساجد کے ساتھ بھاری جانی نقصان کا بھی سامنا کر نا پڑا لیکن الخدمت فاؤنڈیشن نے وہاں بھرپورا مدادی کام کیے ، بحالی وتعمیر نو کاآغاز کیا ،سائبان پراجیکٹ کے تحت ماڈل ہاؤس بنا ئے اورمتاثرین کو 20 ہزار مکانات تعمیر کر کے دیے ،جہاں متاثرین اپنی معمول کی خوش گوار زندگیاں گزار رہے ہیں ،انہوں نے کہا کہ متاثرہ علاقوں میں 30 سے زائد اسکولز قائم کیے گئے جہاں نئی نسل کو زیور تعلیم سے آراستہ کیا جارہا ہے ، انہیں صاف ستھر ا موحول اور اچھی تعلیم فراہم کی جا رہی ہے ،خیر پختو نخوا کے زلزلہ سے متاثرہ علاقو ں میں صاف پانی کی سیکڑوں اسکیمیں بنا ئی گئیں ،کنویں کھودے گئے ،ہینڈ پمپس لگا ئے گئے ،ان اسکیموں سے آج تک لوگ استفادہ کر رہے ہیں ،انہوں نے کہا کہ ان علاقوں میں متاثرین کو صحت کی سہو لتیں پہنچانے کیلئے بھرپور کام کیے وہاں میڈیکل سینٹر ز،ڈائیگنوسٹک سینٹرز اور کلیکشن پوائنٹس قائم کیے گئے ،انہوں نے کہا کہ الخدمت فاؤنڈیشن نے وہاں متاثرین کوریسکیو کر کے انہیں ریلیف فراہم کیا ،خیمہ بستیاں بنا ئی گئیں ،اور انہیں امدادی ساما ن بھی پہنچایا گیا ،انہوں نے کہاکہ الخدمت نے متاثرین کیلئے پن چکی اورپن بجلی گھر قائم کیے جن سے متاثرہ علاقوں کے لوگوں نے سکھ کا سانس لیا ،نعمت اﷲ خان نے کہا کہ الخدمت فاؤنڈیشن اب بھی آزادکشمیر اور خیبر پختونخوا کے علاقوں میں رضا الٰہی کیلئے کر رہی ہے اور آئندہ بھی کرتی رہے گی۔
مزید اہم خبریں
-
ہیٹی: جنسی تشدد کو بطور جنگی ہتھیار استعمال کرنے پر تشویش
-
یو این اور شراکت داروں کی یمن کے لیے ہنگامی امدادی اپیل
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
-
مذاکرات کا ماحول ہوگا تو بانی پی ٹی آئی سے مزید گائیڈ لائنز لوں گا
-
آزاد کشمیر کے بارے میں بھارتی راہنماﺅں کے اشتعال انگیز بیانات اور بلاجواز دعوے علاقائی امن کے لیے سنگین خطرہ ہیں. اسحاق ڈار
-
ڈمی اور غیرذمہ دار لوگوں سے بات نہیں کروں گا‘معلوم ہے کون طاقتور ہیں.علی امین گنڈاپور
-
نوجوانوں کو عدم برداشت اور غلط معلومات کو معاشرے میں پھیلانے والے شرپسند طبقوں کی بیخ کنی اور حوصلہ شکنی کرنے کیلئے اپنا کردار ادا کرنا چاہئے. احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.