قوم پرستوں نے قومی مفادات کاسوداکرلیا، رہنما جے یو آئی
مردم شماری کابائیکاٹ قوم مزیدپسماندہ رکھنے کی سازش ہے،عزم کانفرنس سے خطاب
ہفتہ 17 اکتوبر 2015 22:38
کوئٹہ(اُردو پوائنٹ اخبار تازہ ترین۔ 17 اکتوبر۔2015ء)جمعیت علماء اسلام کے صوبائی رہنماوٴں نے کہاہے کہ قوم پرستوں نے قومی مفادات کاسوداکرلیا،مردم شماری کابائیکاٹ قوم مزیدپسماندہ رکھنے کی سازش ہے،پہلے بلوچ اورپشتون اقوام کولڑانے کی ناکام کوشش کی گئی اب مفادات کی خاطردونوں تخت لاہورکے زیرسایہ ایک ہوگئے،مری معاہدے کاوقت قریب آنے پرقوم پرستوں کے بیانات تبدیل ہوگئے، ڈاکٹرسرفرازخان شہیدنے اپنے خون سے اسلام کی آبیاری کی،ان کامشن زندہ رہے گا،ان خیالات کااظہارصوبائی جوائنٹ سیکرٹری اورسابق صوبائی وزیرالحاج عبدالواحدصدیقی،جے ٹی آئی کے صوبائی کنوینرجلال شاہ اخندزادہ،صوبائی معاون حافظ محمدحسن شہاب،ضلع ہرنائی کے امیرمفتی اکرام اللہ شاہ بخاری،حاجی بشیراحمدکاکڑ،تحصیل زیارت کے امیرصاحبزادہ محب اللہ ودیگرنے دگری کالج ہرنائی میں جے ٹی آئی کے زیراہتمام عزم کانفرنس سے خطاب کرتے ہوئے کیا،کانفرنس میں بڑی تعدادمیں طلبہ،نوجوانوں اورکارکنوں نے شرکت کی،انہوں نے ڈاکٹرسرفرازخان شہیدکوخراج عقیدت پیش کرتے ہوئے کہاکہ ان کی شہادت سے جے ٹی آئی تناوردرخت بن گئی اورصوبے کے تمام تعلیمی اداروں میں ایک موثرقوت بن گئی،آج صوبہ بھرمیں ڈاکٹرشہیدکے وارثین موجودہیں،ان کامشن جاری رہے گاانہوں نے کہاکہ جے ٹی آئی کی بنیادمولانامفتی محمودنے19اکتوبر1969ء میں رکھی تاکہ لارڈمیکالے کے پیداکردہ ملااورمسٹرکی تفریق ختم کردیں آج دونوں ایک اسٹیج پرکھڑے ہیں جواسلامی نظام تعلیم کے نفاذ،مخلوط،طبقاتی اورفرسودہ نظام تعلیم کے خلاف جدوجہدکررہے ہیں انہوں نے کہاکہ صوبائی حکومت کی تعلیم دوستی بلوچستان بورڈکی تباہی سے واضح ہوتی ہے،جوچیئرمین بورڈکے سامنے بے بس ہواسے حکومت کرنے کاکیاحق حاصل ہے انہوں نے کہاکہ حکومت کی توجہ صرف دکھاوے کے لئے کوئٹہ شہرکے تعلیمی اداروں پرہے جبکہ دوردرازعلاقوں میں تعلیم کی صورتحال اس کی آنکھوں سے غائب ہے،سیاسی بنیادوں پرسکالرشپ تقسیم کیاجارہاہے مستحق اورغریب طلبہ اس سے محروم ہیں انہوں نے کہاکہ جمعیت علماء اسلام نے اسلامی نصاب تعلیم بنانے کے لئے کمیٹی تشکیل دی ہے جونصاب کی تیاری پرکام کررہی ہے جس کوبعدمیں تعلیمی اداروں میں رائج کرنے کی بھر پورکوشش کی جائے گی انہوں نے کہاکہ کارکن اپنے نظریے پرکاربندرہیں،اسلام کاآفاقی پیغام گھرگھرتک پہنچائیں،آپس میں محبت اورروادری کوفروغ دیں،اسلامی کتب کامطالعہ لازمی کریں اپنے اکابرین کی تاریخ سے آگاہی حاصل کریں اورنوجوانوں کی صحیح رہنمائی اور ذہن سازی کرنے کے لئے جدوجہدتیزکریں
مزید قومی خبریں
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
-
احاطہ کا تنازعہ ، ٹھیکہ کی رنجش ۔ دو زمینداروں کو چھریاں گولیاں مار دی گئیں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.