فوجی مشقیں دشمنوں کیلئے پیغام کا درجہ رکھتی ہیں،نیٹو محاذ آرائی نہیں چاہتا تاہم تمام اتحادیوں کے دفاعکیلئے ہمہ وقت تیار ہیں،نیٹو اتحاد کے سربراہ اسٹون برگ
جمعرات 5 نومبر 2015 14:20
برسلز(اُردو پوائنٹ اخبارتازہ ترین - آئی این پی۔5 نومبر۔2015ء) نیٹو اتحاد کے سربراہ اسٹون برگ نے کہا ہے کہ ایک عشرے کے دوران نیٹو کی سب سے بڑی فوجی مشق ’ہمارے رْکن ممالک اور ممکنہ مخالفین کے لیے ایک واضح پیغام کا درجہ رکھتی ہے،تین ہفتوں تک جاری رہنے والی یہ مشق گذشتہ ماہ شروع ہوئی جس میں 30 سے زائد نیٹو رْکن ممالک اور پارٹنرز کی 36000 فوجیں اٹلی، اسپین اور پرتگال کے علاقے میں ’مصروف تربیت‘ ہیں،نیٹو محاذ آرائی نہیں چاہتا لیکن ہم تمام اتحادیوں کے دفاع کے لیے ہمہ وقت تیار ہیں‘۔
غیر ملکی میڈیا کے مطابق ہیلی کاپٹروں اور ٹینکوں کی مدد سے سینکڑوں فوجیں اسپین کے شمال مشرق میں واقع سان گریگاریو کے تربیتی میدان میں ایک خیالی دشمن کے ساتھ لڑ رہے ہیں جس مشق کا نام ’ٹرائڈنٹ جنکچر‘ رکھا گیا ہے۔(جاری ہے)
نیٹو نے کہا ہے کہ نیٹو اتحاد کے 12 ملکوں کی افواج نے یرغمالیوں کی بازیابی، بارودی سرنگیں صاف کرنے کے کام میں شرکت اور بھاری توپ خانہ کی گولہ باری میں حصہ لیا۔
نیٹو کا کہنا ہے کہ اس تربیتی مظاہرے میں 500 سے زائد امریکی نیم فوجی اہل کاروں کی تعیناتی شامل ہے، جنھیں شمالی کیرولینا کے فورڈ بریگ فوجی اڈے سے براہ راست لایا گیا ہے، جو پیراشوٹ کے ذریعے تربیت کے میدان میں اترے۔اسٹولٹنبرگ نے کہا ہے کہ فوجی مشق میں شرکت کے لیے نیٹو نے مبصر کے طور پر یورپ کی تنظیم برائے سلامتی اور تعاون (او ایس سی اِی) کے تمام رکن ممالک کے وفود کے علاوہ دنیا بھر سے مبصر بلوائے ہیں، جس میں روس بھی شامل ہے۔مشقوں میں 5000 افراد پر مشتمل ایک نئی فورس اپنی طاقت کا مظاہرہ پیش کرے گی، جو فضائی، آبی حربی نوعیت اور خصوصی کارروائیاں پیش کرے گی، جو 40000 نفوس پر مشتمل ’ریپڈ ری ایکشن فورس‘ کا ایک حصہ ہے۔یہ مشق 19 اکتوبر کو شروع ہوئی اور چھ نومبر تک جاری رہے گی۔ یہ 230 سے زائد دستوں پر مشتمل ہوگی، جس میں 140 طیارے اور 60 سے زائد بحری جہاز شامل ہوں گے۔متعلقہ عنوان :
مزید بین الاقوامی خبریں
-
سعودی عرب میں طوفانی بارشیں، مسجد کی چھت گر گئی
-
امریکہ کا بھارت سے گرپتونت سنگھ پنوں کے قتل کی سازش کے کڑے احتساب کا مطالبہ
-
آسٹریلیا، امریکہ اور کینیڈا میں سفارتکاری کی آڑ میں بھارتی خفیہ ایجنسی کا ایک اور نیٹ ورک بے نقاب
-
حریف کنزرویٹوامیدوارسوزن ہال خطرناک ہے، میئرصادق خان
-
غیرملکیوں کا ایپلیکیشن ٹیکسی سے منسلک ہونا غیرقانونی ہے، سعودی عرب
-
بغیر کارڈ کے حج پرپابندی،سعودی حکومت نے بڑی شرط عائد کردی
-
متحدہ عرب امارات میں شید بارش کے باعث فلائٹ آپریشن متاثر
-
راہول گاندھی نے وزیراعظم نریندر مودی کو ’جھوٹ کی مشین‘ قراردے دیا
-
بنگلہ دیش میں اپریل کے دوران گرمی کا 76 سالہ ریکارڈ ٹوٹ گیا
-
سعودی ولی عہد سے دیمتری کرکینٹز کی ملاقات، ایکسپو 2030 کی تیاریوں کا جائزہ
-
سعودی عرب کا دنیا کو پولیو فری بنانے کے لیے 60 کروڑ ڈالر کی امداد کا علان
-
اماراتی شاہی خاندان کی دولت بل گیٹس اور جیف بیزوز سے بھی زیادہ ،سات سو گاڑیوں کے مالک ہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.