برطانوی شاہی جوڑے شہزادہ ولیم اور شہزادی کیتھرین نے کرسمس کی مبارکباد کے ساتھ نئی تصویر جاری کردی
ہفتہ 19 دسمبر 2015 15:53
لندن ( اُردو پوائنٹ اخبارتازہ ترین - آئی این پی۔19 دسمبر۔2015ء ) برطانوی شاہی جوڑے شہزادہ ولیم اور شہزادی کیتھرین مڈلٹن نے کرسمس کے موقع پر اپنے چاہنے والوں کے لیے کرسمس کی مبارکباد کے ساتھ اپنے خاندان کی ایک نئی تصویر جاری کردی۔غیر ملکی میڈیا کے مطابق شاہی محل کنسگٹن پیلس کی طرف سے گزشتہ روز جاری ہونے والی تصویر میں شہزادہ ولیم اور شہزادہ کیٹ اپنے دونوں بچوں تقریبا ڈھائی سالہ شہزادہ جارج اور سات ماہ کی شہزادی شارلٹ کے ساتھ مسکراتے ہوئے نظر آ رہے ہیں۔
جب کہ کنسگٹن محل کے ٹوئٹر کے صفحے پر شاہی جوڑے کی فیملی تصویر کے ساتھ کرسمس کی مبارکباد کا ایک پیغام ٹویٹ کیا گیا ہے۔ٹویٹ میں کہا گیا ہے کہ شاہی خاندان کی نئی تصویر ، ڈیوک اور ڈچز اور شہزادہ جارج اور شہزادی شارلٹ کی طرف سے میری کرسمس ۔(جاری ہے)
یہ نئی تصویر شاہی فوٹو گرافر کرس جیلف نے کنسگٹن محل کے باغ میں اتاری ہے جسے شاہی خاندان کے افراد اور دوستوں کو بھجے جانے والے کرسمس کارڈ کے لیے استعمال کیا گیا ہے۔
شاہی محل کے ترجمان کا کہنا ہے کہ یہ تصویر شاہی جوڑے نے ذاتی پسند سے کھنچوائی تھی لیکن انھوں نے یہ تصویر عوام کے لیے جاری کرنے کا فیصلہ کیا ہے کیونکہ انھیں یہ تصویر بے حد پسند آئی ہے۔گزشتہ ماہ شہزادی کیٹ کی طرف سے ننھی شہزادی شارلٹ کی تصاویر جاری کی گئی تھیں۔ شاہی جوڑا ہرسال کی طرح ملکہ برطانیہ اور شاہی خاندان کے ساتھ سینڈر نگھم سٹیٹ میں کرسمس کی تعطیلات گزارے گا۔ ٹویٹ کی تفصیلات کے مطابق ڈھائی سالہ شہزادہ جارج جنوری کے مہینے سے ویسٹیکر مونٹیسوری سکول میں پڑھنے جائیں گے۔برطانوی میڈیا کے مطابق شہزادہ جارج جس پرائیوٹ سکول میں داخل کرائے گئے ہیں اس کی ایک روز کی فیس 33 پاونڈ ہے جو لندن میں واقع پرائیوٹ مونٹیسوری سکولوں کے مقابلے میں ایک سستا سکول ہے۔ ذرائع کا کہنا ہے کہ شہزادہ ولیم اور شہزادہ ہیری نے بھی مونٹیسوری سکول میں تعلیم حاصل کی ہے جبکہ اس وقت ان کے سکول کی سالانہ فیس 780 پاونڈ تھی۔مزید بین الاقوامی خبریں
-
سعودی عرب میں طوفانی بارشیں، مسجد کی چھت گر گئی
-
امریکہ کا بھارت سے گرپتونت سنگھ پنوں کے قتل کی سازش کے کڑے احتساب کا مطالبہ
-
آسٹریلیا، امریکہ اور کینیڈا میں سفارتکاری کی آڑ میں بھارتی خفیہ ایجنسی کا ایک اور نیٹ ورک بے نقاب
-
حریف کنزرویٹوامیدوارسوزن ہال خطرناک ہے، میئرصادق خان
-
غیرملکیوں کا ایپلیکیشن ٹیکسی سے منسلک ہونا غیرقانونی ہے، سعودی عرب
-
بغیر کارڈ کے حج پرپابندی،سعودی حکومت نے بڑی شرط عائد کردی
-
متحدہ عرب امارات میں شید بارش کے باعث فلائٹ آپریشن متاثر
-
راہول گاندھی نے وزیراعظم نریندر مودی کو ’جھوٹ کی مشین‘ قراردے دیا
-
بنگلہ دیش میں اپریل کے دوران گرمی کا 76 سالہ ریکارڈ ٹوٹ گیا
-
سعودی ولی عہد سے دیمتری کرکینٹز کی ملاقات، ایکسپو 2030 کی تیاریوں کا جائزہ
-
سعودی عرب کا دنیا کو پولیو فری بنانے کے لیے 60 کروڑ ڈالر کی امداد کا علان
-
اماراتی شاہی خاندان کی دولت بل گیٹس اور جیف بیزوز سے بھی زیادہ ،سات سو گاڑیوں کے مالک ہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.