جے یوآئی آئینی حقوق کے بغیر ظالمانہ ٹیکسوں کے نفاذ کو مسترد کرتی ہے، عوام کے بنیادی حقوق کے تحفظ کیلئیہرفورم پر آواز اٹھائیں گے
جمعیت علماء اسلام گلگت کے امیر منہاج الدین کا بیان
پیر 21 دسمبر 2015 22:57
گلگت( اُردو پوائنٹ اخبارتازہ ترین - آئی این پی۔21 دسمبر۔2015ء)جمعیت علماء اسلام گلگت کے امیر منہاج الدین کہا ہے کہ آئینی حقوق کے بغیر ظالمانہ ٹیکسوں کے نفاذ کو جے یو آئی مسترد کرتی ہے ۔ یہ عوام کے منہ سے نوالہ چھیننے کے مترادف ہے ۔ ٹیکسز کے خلاف کنٹریکٹرز ایسوسی ایشن کے احتجاج میں جے یو آئی ہراول دستے کا کردار ادا کرے گی ۔ سب سے بڑی مذہبی و سیاسی جماعت ہونے کے ناطے عوام کے بنیادی حقوق کے لئے کسی بھی انتہائی اقدام سے گریز نہیں کرے گی ۔
جے یو آئی کنٹریکٹرزایسوسی ایشن کے احتجاج کی بھرپور حمایت کرتی ہے ۔ ان خیالات کا اظہار جمعیت علماء اسلام ضلع گلگت کے امیر منہاج الدین و ضلعی سیکرٹری اطلاعات مولانا رحمت اﷲ سراجی نے لیگی حکومت کی سے جی بی کے مظلوم عوام پر گرائے جانے والے انکم ٹیکس کے ڈرون حملے پر انتہائی غم و غصے کا اظہار کرتے ہوئے کیا ۔(جاری ہے)
انہوں نے انکم ٹیکس کے نفاذ کو مسترد کرتے ہوئے اسے بین الاقوامی قوانین اور بنیادی انسانی حقوق کے منافی قرار دیا ۔
انکم ٹیکس کا نفاذ اور اس کی شرح میں اضافہ یہ عوام دشمنی پر مبنی فیصلہ ہے ۔ جی بی کے عوام کو مسلم لیگ کو ووٹ دینے پر سزا دی جا رہی ہے ۔ انہوں نے کہا کہ یہ راجوں مہاراجوں کا دور نہیں ہے عوام باشعور ہوچکے ہیں ۔ تمام مکاتب فکر کے علماء کرام ، سیاسی رہنما اور عوام ایف سی آر طرز کے نئے مالیاتی ٹیکس کے خلاف بھرپورتحریک چلائیں گے ۔ بین الاقوامی قوانین کے تحت جو علاقہ کسی بھی ملک کے آئین کا مکمل اور باقاعدہ حصہ نہ ہو وہاں پر کسی بھی قسم کے ٹیکسز کا نفاذ یہ حکومت کا نہیں بلکہ جی بی کونسل کا سبجیکٹ ہے جب کہ اس وقت جی بی کونسل کا وجود ہی نہیں ۔ سابقہ کونسل نے انکم ٹیکس ایکٹ کو پاس ہی نہیں کیا تھا گلگت بلتستان کے عوام اس سے پہلے ہی ظلم و استحصال کا شکار ہیں جو آٹے کے تھیلے کے لئے در در کی ٹھوکریں کھانے پرمجبور ہوں جہاں بجلی ناپید ہو ، جو تعلیم ، صحت ، ٹرانسپورٹ اور مواصلات جیسے بنیادی حقوق سے محروم ہو ان پر ٹیکس در ٹیکس نافذ کرناانہیں زندہ درگور کرنے کے مترادف ہے ۔ حکومت فوری طور پر اپنا ظالمانہ فیصلہ واپس لے کر گلگت بلتستان کو ٹیکس فری زون قرار دے بصورت دیگر گلگت بلتستان کے غیور عوام وفاق پرستوں کی اینٹ سے اینٹ بجانے پر مجبور ہوں گے۔مزید قومی خبریں
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
-
احاطہ کا تنازعہ ، ٹھیکہ کی رنجش ۔ دو زمینداروں کو چھریاں گولیاں مار دی گئیں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.