امریکی معاونت سے ترکی کی شام میں فوجی مداخلت کا امکان
ترکی شام میں اپنی فوجیں اتارنے کا ارداہ رکھتا ہے،امریکی گولبل انٹیلی جنس فاؤنڈیشن
ہفتہ 2 جنوری 2016 18:37
واشنگٹن(اُردو پوائنٹ اخبارتازہ ترین - این این آئی۔02 جنوری۔2016ء) ایک امریکی ادارے نے امکان ظاہر کیا ہے کہ رواں سال 2016ء میں ترکی واشنگٹن کی معاونت سے شمالی شام میں دولت اسلامی’’داعش‘‘ کے جنگجو اور کردوں کی توسیع پسندی روکنے کے لیے اپنی فوجیں شام میں اتارنے کا فیصلہ کرسکتا ہے۔عرب ٹی وی کے مطابق امریکی گلوبل انٹیلی جنس فاؤنڈیشن اسٹریٹجک فارکاسٹنگ(سٹارٹ فار) نے اپنی رپورٹ میں بتایا کہ ترکی شام میں اپنی فوج اتارنے کا ارادہ رکھتا ہے۔
انقرہ کے اس اقدام پر امریکا بھی اس کی ہر ممکن معاونت کرے گا۔تجزیاتی نوعیت کی اس رپورٹ میں مزید کہا گیا ہے کہ رواں سال کے دوران شام کے تنازع کے حوالے سے ترکی ایران کے مقابلے میں اہم کردار ادا کرسکتا ہے۔ ماسکو اور انقرہ کے درمیان جاری سرد جنگ میں بھی کمی کا کوئی امکان موجود نہیں ہے۔(جاری ہے)
اسٹارٹ فار کی رپورٹ میں کہا گیا ہے کہ 2016ء میں ترکی اپنی حدود سے آگے نکل کر شام میں کارروائی کرے گا۔
ترکی شمالی شام میں داعش کی توسیع پسندی روکتے ہوئے ان علاقوں میں کردوں کی کنٹرول کو وسعت دینے کے لیے موثر کوششیں کرے گا۔رپورٹ میں بتایا گیا ہے کہ امکان ہے کہ امریکی نائب صدر جو بائیڈن رواں جنوری میں انقرہ کے دورے پرآئیں گے جہاں وہ صدر رجب طیب ایردوآن اور وزیراعظم احمد داؤد اوگلو سے بھی ملاقات کریں گے۔ ان ملاقاتوں میں شام میں ترک فوج کی ممکنہ مداخلت پر بھی بات چیت کی جائے گی۔ رپورٹ میں مبصرین کے بیانات کے حوالے سے کہا گیا ہے جوبائیڈن کا دورہ ترک ’’خطے میں انقرہ کے کردار کی واپسی‘‘ کے لیے کی جانے والی کوششوں کی کڑی ہے۔ واشنگٹن شام میں ترکی کی فوجی مداخلت کی راہ میں مزاحم ہونے کے بجائے اس میں انقرہ کی بھرپور مدد بھی کرے گا۔رپورٹ میں کہا گیا ہے کہ امریکا کی جانب سے ترکی کو شام میں مداخلت کے لیے گرین سگلنل ملنے کا قوی امکان ہے مگر اس باب میں روس سب سے بڑھ کر مخالفت کرے گا۔ عین ممکن ہے کہ روس شام میں ترکی کے عزائم کو ناکام بنانے کے لیے تمام وسائل کا بھی استعمال کرے۔متعلقہ عنوان :
مزید بین الاقوامی خبریں
-
سعودی عرب میں طوفانی بارشیں، مسجد کی چھت گر گئی
-
امریکہ کا بھارت سے گرپتونت سنگھ پنوں کے قتل کی سازش کے کڑے احتساب کا مطالبہ
-
آسٹریلیا، امریکہ اور کینیڈا میں سفارتکاری کی آڑ میں بھارتی خفیہ ایجنسی کا ایک اور نیٹ ورک بے نقاب
-
حریف کنزرویٹوامیدوارسوزن ہال خطرناک ہے، میئرصادق خان
-
غیرملکیوں کا ایپلیکیشن ٹیکسی سے منسلک ہونا غیرقانونی ہے، سعودی عرب
-
بغیر کارڈ کے حج پرپابندی،سعودی حکومت نے بڑی شرط عائد کردی
-
متحدہ عرب امارات میں شید بارش کے باعث فلائٹ آپریشن متاثر
-
راہول گاندھی نے وزیراعظم نریندر مودی کو ’جھوٹ کی مشین‘ قراردے دیا
-
بنگلہ دیش میں اپریل کے دوران گرمی کا 76 سالہ ریکارڈ ٹوٹ گیا
-
سعودی ولی عہد سے دیمتری کرکینٹز کی ملاقات، ایکسپو 2030 کی تیاریوں کا جائزہ
-
سعودی عرب کا دنیا کو پولیو فری بنانے کے لیے 60 کروڑ ڈالر کی امداد کا علان
-
اماراتی شاہی خاندان کی دولت بل گیٹس اور جیف بیزوز سے بھی زیادہ ،سات سو گاڑیوں کے مالک ہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.