اسرائیل مسلمانوں کو تقسیم کرنا چاہتا ہے،جو افسوس ناک بات ہے،کچھ عرب ریاستیں اسرائیلی ایجنڈے کی تکمیل میں نادانستہ طور پر استعمال ہو رہی ہیں،فلسطین فاؤنڈیشن
بدھ 6 جنوری 2016 22:24
کراچی(اُردو پوائنٹ اخبارتازہ ترین - آئی این پی۔06 جنوری۔2016ء) فلسطین فاؤنڈیشن پاکستان کی مرکزی سرپرست کمیٹی کے اراکین بشمول سابق رکن قومی اسمبلی و رہنما جماعت اسلامی مظفر احمد ہاشمی، جمعیت علماء پاکستان کے مرکزی رہنما علامہ قاضی احمد نورانی صدیقی، مجلس وحدت مسلمین پاکستان کے مرکزی رہنما مولانا باقر زیدی، پاکستان مسلم لیگ نواز کے رہنما سید ازہر ہمدانی، متحدہ قومی موومنٹ پاکستان کی لیگل ایڈ کمیٹی کے صدر محفوظ یار خان ایڈوکیٹ، معروف سماجی کارکن طارق شاداب اور فلسطین فاؤنڈیشن پاکستان کے مرکزی سیکرٹری جنرل صابر ابو مریم نے غرب ایشیاء کی موجودہ صورتحال اور مسئلہ فلسطین کے حل پر زور دیتے ہوئے کہا کہ اسرائیل مسلمانوں کو تقسیم کرنا چاہتا ہے اور افسوس کی بات ہے کہ کچھ عرب ریاستیں اسرائیلی ایجنڈے کی تکمیل میں نادانستہ طور پر استعمال ہو رہی ہیں، فلسطین فاؤنڈیشن پاکستان کے رہنماؤں نے کہا کہ قبلہ اول بیت المقدس کی بازیابی صرف اور صرف مسلم امہ کے اتحاد میں ہی مضمر ہے،مسلم امہ اسرائیلی سازشوں کے مقابلے میں ہوشیار رہے، اسرائیل مسلم امہ کا بد ترین دشمن ہے،رہنماؤں کاکہنا تھا کہ پوری مسلم امہ کو چاہئیے کہ چھوٹے چھوٹے مسائل میں الجھ کراپنی توانائیاں ضائع کرنے کی بجائے ملت مظلوم فلسطین کی آزادی اور فلسطینی عوام پر ڈھائے جانے والے صیہونی مظالم کے خلاف سد باب کیا جائے، انہوں نے زور دیتے ہوئے کہا کہ غاصب صیہونی ریاست اسرائیل نہ صرف فلسطین کے لئے خطرہ ہے بلکہ خطے کی تمام مسلم ریاستوں سمیت پورے عالم اسلام اور دنیائے انسانیت کے لئے سنگین خطرہ ہے، انہوں نے کہا کہ انسانیت کی بقاء کی فکر کرنے والے اداروں اور سمجھ بوجھ رکھنے والے با ضمیر افراد کو چاہئیے کہ عالمی سامراجی قوتوں امریکہ اور اس کی ناجائز اولاد اسرائیل کے ناپاک عزائم کو آشکار کرنے میں اپنا کردار ادا کریں، فلسطین فاؤنڈیشن پاکستان کے رہنماؤں نے مسلم امہ کے مابین اتحاد اور وحدت اسلامی پر زور دیتے ہوئے کہا کہ مسلمان اقوام کو باہم متحد رہتے ہوئے تمام تر سازشوں کا بے نقاب کرنا ہو گا ورنہ دشمن پوری مسلم امہ کو گتھم گتھا کر کے عالم اسلام کے وسائل پر قابض ہو جائے گا جیسا صیہونی دشمن نے ماضی میں قبلہ اول بیت المقدس پر اپنا غاصبانہ تسلط قائم کیا تھا،رہنماؤں نے عالم اسلام کے رہنماؤں اور بالخصوص پاکستان کی مذہبی وسیاسی قیادت سے اپیل کی ہے کہ وہ مسلم امہ اور پاکستان کے مسلمانوں کے مابین وحدت اسلامی کو قائم رکھنے میں اپنا مثبت کردار ادا کریں اور نام نہاد مفکرین اور امریکی و اسرائیلی ایماء پر کام کرنے والے ملک دشمن اور اسلام دشمن عناصر کی سرکوبی کریں۔
مزید قومی خبریں
-
قومی شاہراہ پرمسافر بس کی ٹکر سے موٹر سائیکل سوار خاتون سمیت دو افرادجاں بحق
-
سنی اتحاد کونسل کی مخصوص نشستوں کی درخواست: سپریم کورٹ نے پشاور ہائی کورٹ کا فیصلہ معطل کردیا
-
دریاؤں اور آبی ذخائر میں پانی کی صورتحال
-
چیف الیکشن کمشنر کی تقرری کیخلاف درخواست کے قابل سماعت ہونے پر دلائل طلب
-
نوازشریف کسان کارڈ کے ذریعے کاشتکاروں کو 300 ارب روپے کے بلا سود زرعی قرضوں کی سہولت فراہم کی جائے گی ، سیکرٹری زراعت پنجاب
-
پنسار کی پھکی اور دودھ سے جاںبحق خاتون چاروں بچیوں کو سپردخاک کر دیا گیا
-
پنجاب حکومت کی جانب سے گندم کی امپورٹ کی نشاندہی تاخیر سے کی گئی
-
پشاور پولیس کی کارروائی، بین الاضلاعی منشیات سمگلنگ میں ملوث دو خواتین ملزمان گرفتار
-
حیرت ہے پنجاب حکومت کے پاس گندم خریدنے کیلئے بھی پیسے نہیں، مشیر خزانہ خیبرپختونخوا مزمل اسلم
-
وزیراعلی پنجاب مریم نواز کی جانب سے پشاور کے سیلاب و بارش متاثرین کے لیے تحفہ
-
کراچی،50لاکھ کی ڈکیتی کا ڈراپ سین، رقم جمع کروانے والا ہی واردات کا ماسٹرمائنڈ نکلا
-
وزیر قانون نے چیف جسٹس کی مدت میں اضافے کے حوالے سے اشارہ دیا ہے ‘ اسد قیصر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.