تعلیمی اداروں کی سکیورٹی ایک حساس نوعیت کا معاملہ ہے ، اس پر پوائنٹ سکورنگ مناسب نہیں ‘رانا ثناء اﷲ
اورنج لائن ٹرین کا منصوبہ عمران خان کی منفی سیاست کا بیڑہ غرق کردے گا ،حکومت پٹرول کی قیمتیں مزید کم کرے گی عزیز بلوچ کی گرفتاری سے متعلق گردش کرنے والے بیانات کے صحیح ہونے یا نہ ہونے کا فیصلہ کرنے کا مجاز ادارہ عدلیہ ہے ‘میڈیا سے گفتگو
پیر 1 فروری 2016 22:56
لاہور(اُردو پوائنٹ اخبارتازہ ترین - این این آئی۔یکم فروری۔2016ء ) صوبائی وزیر قانون و پارلیمانی امور رانا ثناء اﷲ خاں نے کہاہے کہ تعلیمی اداروں کی سیکورٹی ایک حساس نوعیت کا معاملہ ہے ، اس پر پوائنٹ سکورنگ مناسب نہیں ،اورنج لائن ٹرین کا منصوبہ عمران خان کی منفی سیاست کا بیڑہ غرق کردے گا ،حکومت پٹرول کی قیمتیں مزید کم کرے گی ، عزیز بلوچ کی گرفتاری سے متعلق گردش کرنے والے بیانات کے صحیح ہونے یا نہ ہونے کا فیصلہ کرنے کا مجاز ادارہ عدلیہ ہے ، مجاہد کامران کے ایشو پر فیصلہ سرچ کمیٹی کی سفارشات پر ہوگا ، پی آئی اے نوکریاں فراہم کرنے والا ادارہ نہیں ،اسے منافع بخش بنانے کی ہر ممکن کوشش کریں گے -ان خیالات کااظہار انہو ں نے یہاں احاطہ اسمبلی میں میڈیا ٹاک کرتے ہوئے کیا - انہو ں نے کہاکہ تعلیمی اداروں کی سیکورٹی سکول مالکان او رحکومت کی مشترکہ ذمہ داری ہے - تعلیمی اداروں کی اندرونی سیکورٹی کو مضبوط کرنے کی ذمہ داری قانونی طو رپر سکول مالکان کی ہے کیونکہ اگر قانون نافذ کرنے والے ادارے تعلیمی اداروں کے اندر سیکورٹی فراہم کریں گے تو اس سے ان اداروں کا اپنا کام متاثر ہوگا - انہو ں نے کہاکہ اپوزیشن کو پتہ ہے کہ اگر اورنج لائن ٹرین کا منصوبہ پایہ تکمیل کو پہنچ جاتا ہے تو ان کی سیاست نیست و نابود ہوجائے گی - انہو ں نے کہاکہ دراصل ملک میں میاں محمدنواز شریف اورمیاں محمد شہبازشریف کی قیادت میں جاری ترقی کے میگا سفر سے اپوزیشن خوفزدہ ہے - انہو ں نے کہاکہ عالمی منڈی میں پٹرولیم مصنوعات کی قیمتوں میں ہونے والی کمی کا اثر ہمارے ہاں پٹرول کے علاوہ دیگر اشیائے ضروریہ پر بھی ہوتا ہے او راسی اثر کو مد نظر رکھتے ہوئے ہم اپنے ملک میں پٹرولیم مصنوعات کی قیمت کا تعین کرتے ہیں -وزیر قانون نے کہاکہ عزیز بلوچ کے بارے میں جب تک عدالتی طریقہ کار کے بعد کوئی ٹھوس بات ثابت نہیں ہوتی اس وقت تک کسی بھی بیان کی قانونی طور پر کوئی اہمیت نہیں ہے - انہو ں نے کہاکہ وائس چانسلر پنجاب یونیورسٹی ڈاکٹر مجاہد کامران کے خلاف پروفیسر ز کو یہ بات زیب نہیں دیتی کہ وہ ادارہ کے معاملہ کو یوں سڑکوں پر لائیں - رانا ثناء اﷲ خاں نے کہاکہ پی آئی اے کا معاملہ وفاقی حکومت او ر اس کے معتبر ادارے حل کرنے کی کوشش کررہے ہیں -امید ہے یہ معاملہ بطریق احسن حل ہوجائے گا - انہو ں نے کہاکہ پی آئی اے کوئی ایمپلائمنٹ ایکسچینج نہیں ہے - ا سکی رائٹ سائزنگ اس کو منافع بخش ادارہ میں تبدیل کرنے کے لئے ضروری ہے -
متعلقہ عنوان :
مزید اہم خبریں
-
ہیٹی: جنسی تشدد کو بطور جنگی ہتھیار استعمال کرنے پر تشویش
-
یو این اور شراکت داروں کی یمن کے لیے ہنگامی امدادی اپیل
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
-
مذاکرات کا ماحول ہوگا تو بانی پی ٹی آئی سے مزید گائیڈ لائنز لوں گا
-
آزاد کشمیر کے بارے میں بھارتی راہنماﺅں کے اشتعال انگیز بیانات اور بلاجواز دعوے علاقائی امن کے لیے سنگین خطرہ ہیں. اسحاق ڈار
-
ڈمی اور غیرذمہ دار لوگوں سے بات نہیں کروں گا‘معلوم ہے کون طاقتور ہیں.علی امین گنڈاپور
-
نوجوانوں کو عدم برداشت اور غلط معلومات کو معاشرے میں پھیلانے والے شرپسند طبقوں کی بیخ کنی اور حوصلہ شکنی کرنے کیلئے اپنا کردار ادا کرنا چاہئے. احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.