جنرل ہسپتال میں سیکورٹی مزید بہتر بنانے کیلئے ریٹائر کرنل کی خدمات حاصل کی گئیں ‘ڈاکٹر خالد محمود
علاج کیلئے آنے والے بیمار صبر و تحمل کا دامن ہاتھ سے نہ چھوڑا کریں ، مریض کے ساتھ صرف ایک تیمار دار ہو گا ‘ پرنسپل پی جی ایم آئی
اتوار 24 اپریل 2016 16:31
لاہور(اُردو پوائنٹ اخبار تازہ ترین۔24اپریل۔2016ء ) جنرل ہسپتال میں سیکورٹی کے انتظامات مزید موثر بنانے کے لئے ایک ریٹائر کرنل کی بحیثیت چیف سیکورٹی آفیسر خدمات حاصل کر لی گئی ہیں - دوران ڈیوٹی ڈاکٹروں ،نرسوں اور پیرامیڈکس کا تحفظ یقینی بنانے کے لئے ہسپتال کے احاطہ میں موجو د پولیس چوکی میں تعینات اہلکاروں کی تعداد 4 سے بڑھا کر 15 کر دی گئی ہے جن کا انچارج ایک سب انسپکٹر ہو گا - یہ بات پرنسپل پی جی ایم آئی پروفیسر ڈاکٹر خالد محمود نے ایک اجلاس میں بتائی - انہوں نے کہا کہ گزشتہ روز ا کیڈمک کونسل کے ہنگامی اجلاس میں ایک مریض کے لواحقین کی جانب سے ڈاکٹروں پر تشدد کے واقعہ کی شدید مذمت کی گئی- اجلاس کے شرکاء نے اسے قانونی و اخلاقی اقدار کے منافی قرار دیتے ہوئے کہا کہ ملزمان کے خلاف سخت قانونی کاروائی کے لئے پولیس حکام کو پرزور سفارش کی جائے گی -انہوں نے کہا کہ آئندہ ایسی صورتحال سے بچنے کے لئے ہسپتال کی سیکورٹی پر مامور نجی سیکورٹی کمپنی کے اہلکاروں کی تعداد میں فوری اضافے کا فیصلہ بھی کیا گیا ہے - پروفیسر خالد محمود نے کہا کہ ایمرجنسی و دیگر زیادہ رش والے وارڈوں میں تربیت یافتہ سابق فوجی مسلح گارڈ اور پولیس ملازمین تعینات کئے جائیں گے - انہوں نے ہسپتال انتظامیہ کو ہدایت کی کہ وہ سیکورٹی کے لئے تعینات کئے جانے والے ہسپتال ملازمین کو یونیفارم پہننے کا پابند بنائیں جو کسی بھی ہنگامی صورتحال میں فوری طور پر موقع پر پہنچیں - انہوں نے کہا کہ ہسپتال میں مزید سی سی ٹی وی کیمرے نصب کئیے جا رہے ہیں ڈیوٹی پر موجود اے ایم ایس اور ڈی ایم ایس سیکورٹی پر مامور اہلکاروں کی حاضری کی رپورٹ روزانہ کی بنیاد پر ایم ایس کو دینے کے پابند ہوں گے - پروفیسر خالد محمود نے ایم ایس اور انتظامی ڈاکٹروں کو ہدایت کی کہ وہ حکومت پنجاب کی پالیسی کے مطابق ایک مریض کے ساتھ صرف ایک تیمار دار کی موجود گی پر سختی سے عمل کروائیں کیونکہ وارڈ میں لواحقین کے رش کی صورت میں ڈاکٹر و طبی عملہ کو مریض کو موثر طبی امداد فراہم کرنے میں مشکلات درپیش آتی ہیں - پرنسپل نے زیر علاج مریضوں کو ملنے کے لئے مقررہ اوقات کی سختی سے پابندی کرانے کی ہدایت کی -انہوں نے کہا کہ پولیس حکام کی مشاورت سے ہسپتال کے ماحول کو پرامن رکھنے کے لئے نئے ایس او پیز تیار کئے جا رہے ہیں -پروفیسر ڈاکٹر خالد محمود نے شہریوں سے بھی اپیل کی کہ وہ دوران علاج صبر و تحمل کا دامن ہاتھ سے نہ چھوڑیں کیونکہ طبی عملے کیلئے ہسپتال میں آنے والا ہر مریض اہم ہے اور معا لجین و دیگر ملازمین تمام مریضوں کی یکساں طور پر دیکھ بھال کرتے ہیں -
مزید قومی خبریں
-
’’یوم تکبیر ‘‘ 28مئی کو جوش و خروش اور ملی جذبہ کے ساتھ منایاجائے گا
-
وزیر اعلیٰ مریم نواز کی زیر صدارت پلاننگ اینڈ ڈویلپمنٹ بورڈ آفس میں پانچ گھنٹے طویل اجلاس، 33 سپیشل پراجیکٹس پر پیشرفت کا جائزہ
-
وزیراعلیٰ مریم نوازکی زیر صدارت اجلاس، 33 سپیشل پراجیکٹس پر پیشرفت کا جائزہ
-
سابق گورنرعمرسرفرازچیمہ کے جسمانی ریمانڈ میں توسیع نہ کرنے کے خلاف کیس میں سماعت ملتوی
-
وزیراعلیٰ سندھ کی زیر صدارت پاکستان پیپلز پارٹی لاڑکانہ ڈویژن کا اجلاس
-
وزیر اعلی پنجاب کی زیر صدارت سی بی ڈی اتھارٹی کے پراجیکٹس سے متعلق اجلاس، آئی ٹی سٹی میں سلیکون کلسٹر پر پیشرفت کا جائزہ لیا گیا
-
پاکستان مسلم لیگ (ن) کی جنرل کونسل کا اجلاس 28 مئی کو ہو گا، مریم اورنگزیب
-
او آئی سی میں غزہ میں جاری مظالم ، مسئلہ کشمیراوراسلامو فوبیا پر آواز اٹھانا ہمارا ایجنڈا تھا،نائب وزیراعظم و وزیرخارجہ کی پریس کانفرنس
-
سوشل میڈیا پر حکومت مخالف مہم چلانے پر یو کے پلٹ شخص گرفتار
-
پاسپورٹ کی فاسٹ ٹریک فیس میں اضافہ کردیا گیا
-
وزیر اعلیٰ مریم نواز شریف نے وعدہ پورا کردیا
-
اپریل میں بارشوں کا 41 سال پرانا ریکارڈ ٹوٹ گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.