عالم اسلام کے مسائل کے حل کیلئے سعودی عرب اور پاکستان کو متحد ہوکر اپنا کردار اداکرنا ہوگا‘طاہرمحمود اشرفی
نوجوان نسل کو انتہاء پسندی اور دہشتگردی سے بچانے کیلئے عالم عرب اور پاکستان کے علمائمابین رابطوں کو تقویت دینی ہوگی
منگل 24 مئی 2016 20:21
لاہور(اُردو پوائنٹ اخبارتازہ ترین - آئی این پی۔24 مئی۔2016ء)پاکستان علماء کونسل کے مرکزی چیئرمین حافظ طاہر محموداشرفی نے کہاکہ عالم اسلام کے مسائل کے حل کیلئے سعودی عرب اور پاکستان کو متحد ہوکر اپنا کردار اداکرنا ہوگا،عسکری اسلامی اتحاد کے قیام کے بعد اسلامی نظریاتی اتحاد وقت کی ضرورت ہے،نوجوان نسل کو انتہاپسندی اور دہشتگردی سے بچانے کیلئے عالم عرب اور پاکستان کے علماء کے درمیان رابطوں کو تقویت دینی ہوگی،شام سے یمن تک اسلامی ممالک میں بہنے والے خون کی ذمہ دار مسلم ممالک میں مداخلت کرنے والی قوتیں ہیں۔
ان خیالات کااظہارانہوں نے سعودی عرب روانگی سے قبل لاہورکے علامہ اقبال انٹر نیشنل ایئرپورٹ پر ذرائع ابلاغ سے گفتگوکرتے ہوئے کیا۔ انہوں نے کہا کہ گزشتہ چند ماہ کے دوران واضح ہوگیا ہے کہ پاکستان کو کمزور کرنے والے طاقتیں اورممالک کون سے ہیں اسلئے حکومت پاکستان کو اپنی داخلہ و خارجہ پالیسی پر ازسرنو غور کرنا چاہئے۔(جاری ہے)
انہوں نے کہا کہ ایک طرف امریکہ میں بعض قوتیں پاکستان اور سعودی عرب کے خلاف سرگرم عمل ہیں اور دوسری طرف سی پیک کو ناکام بنانے کیلئے ہمارے بعض پڑوسی ممالک بھی سرگرم عمل ہوچکے ہیں۔
ان سازشوں کا مقابلہ دوست ممالک کے ساتھ مل کر ہی کیا جاسکتا ہے۔ ایک سوال کے جواب میں حافظ محمدطاہر محمود اشرفی نے کہا کہ ہندوستانی جاسوس کا ایران میں بیٹھ کر پاکستان کیخلاف نیٹ ورک چلانااور امریکی ڈرون میں نشانہ بننے والے شخص کا ایران سے آنا بہت بڑے سوالات پیدا کرتا ہے جس پر غور وفکر کرنا چاہئے۔ انہوں نے کہا کہ حکومت پاکستان غور وفکر کرے کہ اگر ڈرون حملہ میں نشانہ بننے والا شخص اختر منصور ہی تھا تو اس کو پاکستان کی حدود میں ہی کیوں نشانہ بنایا گیا۔مزید اہم خبریں
-
متحدہ عرب امارات میں 3 ماہ قبل لاپتا پاکستانی لڑکا مردہ حالت میں پایا گیا
-
غزہ کی جنگ: ترکی نے اسرائیل سے تجارتی تعلقات معطل کر دیے
-
صحافت جمہوریت ، احتساب اور متنوع آوازوں کے لئے پلیٹ فارم فراہم کرنے میں اہم کردار ادا کرتی ہے، چیئرمین سینیٹ کا پیغام
-
اقوام متحدہ کی جنرل اسمبلی میں پاکستانی مندوب کی مسلمانوں، عیسائیوں اور کشمیریوں کے خلاف بھارتی مظالم کی مذمت ، جبر کے خاتمے پر زور
-
پی آئی اے حکام کی آزادی صحافت کے عالمی دن کے موقع پر صحافی برادری کو مبارکباد
-
امریکا نے نئے آئی ایم ایف بیل آٹ کیلئے پاکستان کی کوششوں کی حمایت کردی
-
مغربی بنگال کے گورنر پر جنسی ہراسانی کا الزام، ایک نیا سیاسی تنازعہ
-
نیول چیف ایڈمرل نوید اشرف کا چین کے نیوی ہیڈ کوارٹرز کا دورہ، بحریہ کے کمانڈر ایڈمرل سے ملاقات ، دوطرفہ بحری تعاون پر گفتگو
-
لاہور پولیس پر حملوں میں ملوث ملزم کی گرفتاری، ابتدائی تفتیش میں اہم انکشافات
-
سوشل میڈیا کو ریگولیٹ کرنے کیلئے کوئی نا کوئی طریقہ کار ہونا چاہیے،عطاءتارڑ
-
پی ٹی آئی کو مخصوص نشستیں نہ ملنے کا کیس سماعت کیلئے مقرر
-
نیب نے بہت سارے لوگوں کی زندگیاں تباہ کیں اس کا جوابدہ کون ہوگا،شاہد خاقان عباسی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.