میونسپل کارپوریشن راول ٹاؤن کرپشن کا گڑھ بن گیا، شہر بھر میں سیٹ بیک چھوڑے بغیر غیر قانونی تعمیرات کا سلسلہ شروع
جمعرات 28 جولائی 2016 22:37
راولپنڈی(اُردو پوائنٹ اخبارتازہ ترین - آئی این پی۔28 جولائی ۔2016ء) میونسپل کارپوریشن راول ٹاؤن کرپشن کا گڑھ بن گیا،انکروچمنٹ،انفورسمنٹ اور بلڈنگ برانچ کے کرپٹ اہلکاروں کی مؤثر نگرانی نہ ہونے کی وجہ سے لاکھوں روپے رشوت لیکر شہر بھر میں سیٹ بیک چھوڑے بغیر غیر قانونی تعمیرات کا سلسلہ شروع ہوگیا ہے جبکہ شہر میں ایسی سینکڑوں دکانیں ہیں جہاں دکانداروں نے دھڑا دھڑفٹ پاتھوں اور برآمدوں پر قبضے کرکے شٹر گیٹ لگالیئے ہیں لیکن شعبہ تجاوزات کے کانوں پر جوں تک نہیں رینگ رہی ہے،ڈی سی او راولپنڈی کے احکامات کو بھی پس پشت ڈال دیا گیا ہے اور تجاوزات کیخلاف جاری آپریشن کو بھی چھابہ فروشوں اور ریڑھی بانوں تک محدود کردیا گیا ہے،گزشتہ روز باہمی چپقلش کے باعث ٹی ایم اے سٹور کے انچارج ملک اسلم کا تبادلہ بھی کرادیا گیا ہے،ذرائع کا کہنا ہے کہ شعبہ تجاوزات کے سپرنٹنڈنٹ نے ایک بڑے افسر سے سفارش کراکر ضبط کی گئی 10 کرسیاں سٹور سے نکلوانے کے بہانے 100 کرسیاں نکال لیں جس پر سٹور انچارج نے اعتراض کیا تو سپرنٹنڈنٹ نے سٹور انچارج کو نہ صرف برا بھلا کہا بلکہ تبادلہ کرانے کی دھمکیاں بھی دیں تاہم سٹور انچارج نے کسی تنازعہ میں الجھنے کی بجائے 100 کی 100 کرسیاں ہی واپس رکھوادیں جس کے بعد سپرنٹنڈنٹ نے کہا کہ میں تمہیں اپنی توہین کا مزہ چکھاؤں گا،ذرائع نے مذید بتایا کہ ان دنوں راول ٹاؤن میں حاجی اسلم ،افتخار کھوکھر اور چوہدری یاسر سمیت متعدد ٹاؤٹوں نے ڈیرے ڈالے ہوئے ہیں جو کرپٹ اہلکاروں سے مک مکا کراکر نہ صرف بلڈنگ برانچ میں لوگوں کے نقشے جمع کراتے ہیں بلکہ بلڈنگ انسپکٹروں اور انفورسمنٹ انسپکٹروں کی ملی بھگت سے شہر میں جاری غیر قانونی تعمیرات کے بھی مرتکب ہورہے ہیں،راولپنڈی شہر کے سیاسی و سماجی حلقوں نے وفاقی وزیر داخلہ چوہدری نثار علی خان سے ٹی ایم اے راول ٹاؤن میں ہونے والی کروڑوں روپے کی کرپشن کا نوٹس لینے اور کرپٹ اہلکاروں کی ناجائز ذرائع سے کمائی گئی آمدن اور جائیدادوں کا بھی آڈٹ کرانے کا مطالبہ کیا ہے۔
متعلقہ عنوان :
مزید اہم خبریں
-
ہیٹی: جنسی تشدد کو بطور جنگی ہتھیار استعمال کرنے پر تشویش
-
یو این اور شراکت داروں کی یمن کے لیے ہنگامی امدادی اپیل
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
-
مذاکرات کا ماحول ہوگا تو بانی پی ٹی آئی سے مزید گائیڈ لائنز لوں گا
-
آزاد کشمیر کے بارے میں بھارتی راہنماﺅں کے اشتعال انگیز بیانات اور بلاجواز دعوے علاقائی امن کے لیے سنگین خطرہ ہیں. اسحاق ڈار
-
ڈمی اور غیرذمہ دار لوگوں سے بات نہیں کروں گا‘معلوم ہے کون طاقتور ہیں.علی امین گنڈاپور
-
نوجوانوں کو عدم برداشت اور غلط معلومات کو معاشرے میں پھیلانے والے شرپسند طبقوں کی بیخ کنی اور حوصلہ شکنی کرنے کیلئے اپنا کردار ادا کرنا چاہئے. احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.