کراچی‘ ایم ڈی واٹربورڈ سمیت دیگر حکام کے دفاتر اور تنصیبات پر اچانک چھاپے
تاخیر سے آنیوالے اور بغیر اطلاع غیر حاضر رہنے والے150ملازمین کی فہرست مرتب کرلی گئی
بدھ 17 اگست 2016 21:25
کراچی(اُردو پوائنٹ اخبارتازہ ترین - آئی این پی۔17 اگست ۔2016ء) وزیر اعلیٰ سندھ سید مراد علی شاہ اور وزیر بلدیات جام خان شورو کی ہدایت پر ایم ڈی واٹربورڈ مصباح الدین فرید سمیت دیگر حکام کے دفاتر اور تنصیبات پر اچانک چھاپوں کا سلسلہ جاری ہے ،تاخیر سے آنیوالے اور بغیر اطلاع غیر حاضر رہنے والے150ملازمین کی فہرست مرتب کرلی گئی ، تحریری وضاحت طلب کرلی جائے گی، جبکہ نظم و ضبط کی پابندی نہ کرنے والوں کیخلاف بھی کارروائی کی جائے گی، تفصیلات کے مطابق وزیراعلیٰ سندھ اور صوبائی وزیربلدیات نے ایم ڈی واٹربورڈ کو دفتری نظم و ضبط کی خلاف ورزی اور ملازمین کے دفتر تاخیر سے آنے کے رجحان کے خاتمے کیلئے سخت ہدایات دی تھیں جس پر ایم ڈی واٹربورڈ نے ایکشن لیتے ہوئے صبح کے اوقات میں واٹربورڈ کے مختلف دفاتر اور تنصیبات پر اچانک چھاپوں کا سلسلہ شروع کردیا ہے، جبکہ تمام ڈپٹی منیجنگ ڈائریکٹرز کو اپنے متعلقہ دفاترو تنصیبات پر چھاپے مارنے کے احکامات جاری کئے ہیں ،ایم ڈی واٹربورڈ نے کہا ہے کہ دفاتر میں مکمل نظم و ضبط قائم کیا جائے ،غیر حاضر او ر عادتاً تاخیرسے دفتر آنیوالے ملازمین ضابطے کی کارروائی کیلئے تیار رہیں انہوں نے ڈرائنگ اینڈ ڈسبرسنگ افسران کو متنبہ کیا کہ غیر حاضر ملازمین کی حاضری بنانے والا افسر اپنے کئے کا خود ذمہ دار ہوگا ،انجینئرنگ اور ٹیکس کا فیلڈ اسٹاف صبح دفتر میں حاضری لگانے کے بعد مومنٹ رجسٹر میں اپنی روانگی کے وقت ،مقام اور مقصد کے بارے میں اندراج اور دستخط کریں بعدازاں فیلڈ میں جائیں ،دریں اثناء ایم ڈی واٹربورڈ سمیت دیگر افسران نے واٹر بورڈ کے نائنتھ مائلز کارساز ،جمشید ٹاؤن ٹیکس ،جمشید ٹاؤن واٹراینڈ سیوریج ،صدر ٹاؤن ٹیکس ، کیماڑی ٹیکس ، صدر واٹراینڈ سیوریج ،سی اوڈی پی پی ، سی اوڈی میٹر ڈویژن ، سی اوڈی ڈیزائن اسٹیمٹ سمیت دیگر دفاتر پر مختلف اوقات میں چھاپے مارے ،اس دوران 150ملازمین غیر حاضر پائے گئے ،فوری طور پر ان کے ناموں کی فہرست مرتب کرلی گئی ہے جبکہ ایڈمنسٹریشن ڈپارٹمنٹ کی جانب سے عادتاً تاخیر سے آنے والے اور بغیر اطلاع غیر حاضر رہنے والے ملازمین سے تحریری جواب طلبی کی جائے گی ،اطمینان بخش جواب موصول نہ ہونے پر ان کے خلاف ضابطے کے مطابق کارروائی کی جائے گی ، واضح رہے کہ واٹربورڈ کے دفاتر اور تنصیبات میں مختلف شفٹوں میں کام ہوتا ہے ایم ڈی واٹربورڈ نے تمام ڈپٹی منیجنگ ڈائریکٹرز اور شعبہ جات کے افسران کو ہدایت کی ہے کہ وہ اچانک مختلف اوقات میں چھاپے ماریں تاکہ شفٹوں میں تعینات ملازمین کی حاضری بھی چیک کی جاسکے مزید برآں واٹربورڈ کے ڈائریکٹر ایڈمنسٹریشن نے ایم واٹربورڈ کی ہدایت پر مختلف شعبہ جات کے سربراہان بشمول ڈرائنگ اینڈ ڈسبرسنگ افسران کو ہدایت کی ہے کہ وہ ملازمین کی حاضری کے ساتھ غیر حاضر رہنے والے ملازمین کے نام، ایمپلائی نمبر اور غیر حاضری و تاخیر سے دفتر آنے سے متعلق باقاعدہ سرٹیفکٹ اے او اسٹیبلشمنٹ کے دفتر میں جمع کرائیں۔
متعلقہ عنوان :
مزید قومی خبریں
-
کوئٹہ ،مرغی کی قیمت 860 سے کم ہو کر480 روپے ہو گی
-
میرسرفرا زبگٹی سے محسن نقو ی کی ملا قات
-
گورنرسندھ کامران خان ٹیسوری سے جرمنی کے قونصل جنرل روڈیگر لوٹز کی گورنرہائوس میں ملاقات
-
آئی ٹی کورسز کے ذریعہ نوجوانوں کو ان کے پیروں پر کھڑا کرنا چاہتا ہوں، گورنرسندھ کامران ٹیسوری
-
امیرجماعت اسلامی حافظ نعیم الرحمٰن سے اسلام 360 ایپ کے بانی زاہد حسین چھیپا کی ملاقات
-
وزیراعظم شہبازشریف ملک وقوم کو مسائل کی دلدل سے نکالنے کیلئے کوشاں ہیں، رانا ثنااللہ
-
پیپلز پارٹی کی حکومت عوام کے ذریعے عوام کی حکومت ،عوام کے لیے ہی ہے،وزیراعلیٰ سندھ
-
سٹوڈنٹ ایکسچینج پروگرام لا رہے، طلبہ کو فارن سکالرشپ پر بھیجیں گے‘وزیر تعلیم پنجاب
-
مالی سال 22اور23میں 100ارب کا ٹیکس جمع کرایا،میجر جنرل احمد شریف
-
سرکاری ہسپتالوں میں دوران علاج محفوظ خون کی فراہمی ہر مریض کا بنیادی حق ہی: خواجہ سلمان رفیق
-
واپڈا میٹراورسولرسسٹم شیئرنگ کرکے چلانے پر صارف کو نوٹس جاری
-
وزیرمملکت برائے آئی ٹی شزہ فاطمہ خواجہ سے قازقستان کے سفیرکی ملاقات، دوطرفہ امور اور آئی ٹی و ٹیلی کام سیکٹر میں تعاون بڑھانے پر تبادلہ خیال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.