کاشت کاروں کے مسائل کاحل حکومت کی اولین ترجیح ہے‘ کاٹن پیدا کرنے والے ممالک کاٹن کی پیداوار بڑھانے اور اس کے مسائل کے حل کیلئے مشترکہ لائحہ عمل طے کریں
صدر ممنون حسین کاآئی سی اے سی کے ارکان کے اعزاز میں دیئے گئے عشائیے سے خطاب
منگل 1 نومبر 2016 21:01
(جاری ہے)
اس سے نہ صرف ملکی زر مبادلہ میں بھی اضافہ ہو گا بلکہ کاشت کاروں کی اپنی حالتِ زار بھی بہتر ہو سکے گی۔ صدر مملکت نے کہا کہ گزشتہ چند دہائیوں کے دوران کپاس کی فصل اور اس سے وابستہ صنعتوں میں غیر معمولی تبدیلیاں رونما ہو چکی ہیں۔
اس عرصے میں کپاس کی بے شمار نئی اقسام متعارف ہو ئیں جن کی وجہ سے کپاس کی کاشت سے لے کر پیداوار تک ٹیکنیک میں کئی تبدیلیاں آ چکی ہیں جن سے فائدہ اٹھانا چاہیے۔ انھوں نے کہا کہ کپاس سے وابستہ صنعتوں نے بھی غیر معمولی ترقی کی ہے اورجدید ترین ٹیکنالوجی نے پورا نظام ہی بدل دیا ہے جس سے اس شعبے سے وابستہ لوگوں کے اندازِ کار اور معیارِ زندگی میں بھی مثبت طور پر نمایاں تبدیلی رونما ہوئی ہے۔ صدر مملکت نے کہا کہ زراعت کے بعض شعبوں میں کاشت کاروں کومسائل کا بھی سامنا کرنا پڑا ہے‘جس کے خاتمے کے لیے کاشت کار سے صنعت کار تک تمام مسائل کو زیر غور لا کر ان کا حل تلاش کرنے کی ضرورت ہے۔ صدر مملکت نے مندوبین سے خطاب کرتے ہوئے کہا کہ ایڈوائزری کمیٹی کاشت کاروں کے مسائل کے حل کے لیے قابلِ عمل سفارشات مرتب کرے تاکہ حکومت کاشت کاروں کو مزید سہولیات فراہم کرنے کے لیے بہتر اقدامات کرسکے۔ صدر مملکت نے کہا کہ کپاس کی فصل کے لیے کاٹن لیف کرل وائرس (Cotton Leaf Curl Virus) ایک مہلک خطرے کے طور پر ابھرا ہے جس نے کپاس کی پیداوار کو بے پناہ نقصان پہنچایا ہے۔ خود پاکستان میں صرف ایک سال کے دوران چالیس لاکھ گانٹھیں اس مرض کی نذر ہوئیں جس سے کاشت کار سے لے کر صنعت کار تک سب کے سب متاثر ہوئے۔ قومی معیشت کے لیے خطرہ بننے والے اس چیلنج سے نمٹنے کے لیے سائنسدانوں کی کاوشیں قابلِ ستائش ہیں۔ انھوں نے مزید کہا کہ چونکہ اس مسئلے کی نوعیت مقامی سے زیادہ بین الاقوامی ہے اس لیے ان مسائل کے تدارک کے لیے اجتماعی کوششوں کی ضرورت ہے۔ صدر مملکت نے کہا کہ عالمی منڈی میں کپاس کی قیمتوں کے اتار چڑھائو ‘ترقی یافتہ اور ترقی پذیر ممالک کے درمیان ٹیکنالوجی کے فرق٬ ٹیکسٹائل کی صنعت میں لاگت کے مسائل اور تجارت کی دنیا میں برانڈنگ جیسے پیچیدہ اور مہنگے معاملات بھی اس شعبے میں چیلنج کی حیثیت رکھتے ہیں۔ اس کے علاوہ بین الاقوامی منڈیوں میں مسابقت اورکوٹہ جیسے مسائل نے بھی پیچیدگی پیدا کی ہے جن سے نمٹنے کیلئے کاٹن برادری کی طرف سے مشترکہ کوششوں کی ضرورت ہے۔ اس لیے ضروری ہے کہایڈوائزری کمیٹی ان مسائل کے جائزے اور حل کے لیے موثر تجاویز پیش کرے۔متعلقہ عنوان :
مزید قومی خبریں
-
دو جاپانی کار کمپنیوں کا قیمتوں میں کمی نہ کرنے کا فیصلہ
-
نائلہ کیانی ہزاروں میٹر بلند 11 چوٹیاں سر کرنے والی پہلی پاکستانی خاتون بن گئیں
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں‘رانا تنویر حسین
-
وزیرِاعلی سندھ نے پیپلزبس سروس آٹو میٹڈ فیئر کلکشن سسٹم کا افتتاح کر دیا
-
حکومت کسانوں، گندم کے مسئلے پر بہت فکر مند ہے‘ احسن اقبال
-
وزیراعلیٰ مریم نوازشریف کا راجن پور میں 8 سالہ بچی سے زیادتی کے واقعہ کا نوٹس
-
پاکستان انٹرنیشنل ایئرلائن آمدہ حج سیزن کے دوران تقریبا ً34 ہزار عازمین حج کو 170 پروازوں کے ذریعے حجازمقدس پہنچائے گی
-
وزیرمواصلات عبدالعلیم خان کا سمبڑیال کھاریاں موٹروے کا فضائی دورہ
-
9 مئی واقعات کی شفاف تحقیقات کے بغیرملک آگے نہیں بڑھ سکتا ، زرتاج گل
-
کلر کہار، ڈرائیور اپنے کی ٹریکٹر کی زد میں آ کر جاں بحق
-
9 مئی: عمرسرفرازچیمہ کی درخواست ضمانت پرسرکاری وکیل سے دلائل طلب
-
9 مئی : ڈاکٹر یاسمین راشد کی ضمانت کی درخواستوں پر پراسیکیوشن کو کل تک مہلت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.