آم ، امردور اور کینوکے کاشتکار آف سیزن فارمولا پر عمل کریں،محکمہ زراعت

لاہور۔ (اُردو پوائنٹ اخبارتازہ ترین - اے پی پی۔ 12 جنوری2017ء)زونیٹا اور ڈارسیلوز خطرناک مکھیاں ہیں یہ موسم گرمامیں آم،کینو اور امرود پر حملہ کرتی ہیں ،ان تینوں پھلوں کے کا شتکار موسم سرمامیں زمین پر گرے ہوئے پھل زمین پر دبادیں تاکہ موسم گرما میں پھلوں پر مکھیوں کا حملہ ہونے کا امکان کم سے کم ہوسکے ، محکمہ زراعت نے مکھی کی سال میں 13نسلیں جنم لینے سے پھلوں کو نقصان پہنچنے کے امکانات میں غیر معمولی اضافہ روکنے کیلئے نیا لائحہ عمل ترتیب دے دیاگیا ہے ۔

(جاری ہے)

پھل کی مکھی نرم پھل پر ڈنگ مار کر اس کے اندر انڈے دیتی ہے جو بعد میں سنڈی اور پروانہ بن کر ظاہر ہوتے ہیں اور اگلی نسل تیار کرتے ہیں۔ سال میں کم از کم اس کی 10 سے 13 نسلیں چلتی ہیں۔ پاکستان میں اس کی دو اقسام قابل ذکر ہیں جن میں زونیٹا اور ڈارسیلوز پائی جاتی ہیں۔دنیا بھر میں پسند کئے جانے والے پاکستان کے تین اہم ترین پھلوں کی برآمدات میں رکاوٹ ختم کرنے کیلئے 227.610 ملین روپے کا منصوبہ شروع ہوگیا ہے ، اس منصوبہ سے آم ،امردواورکینو کی مانگ میں غیر معمولی اضافہ متوقع ہے