موٹروے زون میں رمضان المبارک میں خصوصی روڈ سیفٹی مہم کا آغاز

بدھ 21 جون 2017 15:03

اسلام آباد ۔ (اُردو پوائنٹ اخبارتازہ ترین - اے پی پی۔ 21 جون2017ء) ڈپٹی انسپکٹر جنرل موٹروے پولیس محمد امتیاز شاہ کی ہدایات کی روشنی میں موٹروے زون میں رمضان المبارک میں خصوصی روڈ سیفٹی مہم کا آغاز کر دیا گیا۔ اس سلسلہ میںموٹروے اسلام آباد ٹال پلازہ ، ایم ٹو پر خصوصی تقریب منعقد ہوئی جس کے مہمان خصوصی ڈی آئی جی موٹروے پولیس محمد امتیاز شاہ تھے۔

(جاری ہے)

اس موقع پرایس ایس پی شہریارسکندر اوردیگر افسران بھی موجود تھے ۔ ڈی آئی جی موٹروے محمد امیتاز شاہ نے مسافروں کو افطاری کا سامان اور تحائف دئیے اور ساتھ ساتھ روڈ سیفٹی کے اُصولوں کی پابندی کے بارے میں بھی آگاہ کیا۔ڈی آئی جی نے اس مہم کو موٹروے زون میں جاری رکھنے کی ہدایات دیں اور لوگوں کے جان و مال کی حفاظت کے لئے تمام وسائل بروئے کار لانے کے عزم کا اعادہ کیا۔