پشاورکینٹ پولیس نے 43 جرائم پیشہ اور منشیات فروشوں کو گرفتار کرلیا

جمعرات 4 جنوری 2018 22:16

پشاور۔ (اُردو پوائنٹ اخبارتازہ ترین - اے پی پی۔ 04 جنوری2018ء) پشاورکینٹ پولیس نے سرچ اینڈ سٹرائیک آپریشن کے دوران 43 جرائم پیشہ،اور منشیات فروشوں کو گرفتار کرکے ان کے قبضے سے اسلحہ اور منشیات برآمد کر لیا،آپریشن کے دوران 30 غیر رجسٹر کرایہ داروں کو بھی دھر لیا گیا۔

(جاری ہے)

تفصیلات کے مطابق سی سی پی اوپشاور محمد طاہر خان کی خصوصی ہدایت پر ایس ایس پی آپریشنز جاوید اقبال کی نگرانی میں ایس پی کینٹ وسیم ریاض کی زیر قیادت ڈی ایس پی ٹائون عبد السلام خالد ،ایس ایچ او تھانہ تہکال بلال خان، ایس ایچ او تھانہ ٹائون احمد اللہ خان،ایس ایچ او تھانہ مچنی گیٹ امتیاز خان، لوکل پولیس بمعہ دیگر پولیس نفری نے کینٹ ڈویژن ٹائون اور تہکال کے حدود تمبوانو موڑ،تہکال پایاں اور حساس مقامات میں سرچ اینڈ سٹرائیک آپریشن کرتے ہوئے آپریشن کے دوران 43 جرائم پیشہ،اور منشیات فروشوں کو گرفتار کرکے ان کے قبضے سے 7 عدد پستول،ایک کلاشنکوف، 3 عدد رائفل،61 عدد کارتوس اور250 گرام چرس برآمد کر لیا ۔

علاوہ ازیں آپریشن کے دوران 30 غیر رجسٹر کرایہ داروں کو بھی دھر لیا گیا۔