آئی سی سی ورلڈ کپ کوالیفائر ٹورنامنٹ، افغانستان نے پہلی فتح کے ساتھ سپر سکس میں پہنچنے کی امید زندہ کر لی،
ویسٹ انڈیز اور زمبابوے کی فتوحات کی ہیٹرکس مکمل
ہفتہ 10 مارچ 2018 22:36
(جاری ہے)
زمبابوے میں جاری ورلڈ کپ کوالیفائر ٹورنامنٹ کے سلسلے میں ہفتہ کو کھیلے گئے ایک میچ میں افغانستان نے نیپال کو 6 وکٹوں سے شکست دے کر متواتر تین ناکامیوں کے بعد پہلی کامیابی حاصل کی، نیپال کی ٹیم پہلے کھیلتے ہوئے 49.5 اوورز میں 194 رنز بنا کر آئوٹ ہو گئی، کپتان پراس خدکا 75 رنز بنا کر نمایاں رہے، محمد نبی نے 4، راشد خان نے 3 شاہ پور زدران نے 2 اور مجیب زدران نے ایک وکٹ لی، جواب میں افغانستان نے مطلوبہ ہدف 38.4 اوورز میں 4 وکٹوں کے نقصان پر حاصل کیا، نجیب اللہ زدران 52 رنز بنا کر ناقابل شکست رہے، رحمت شاہ 46 رنز بنا کر دوسرے نمایاں کھلاڑی رہے، اس فتح کے ساتھ ہی افغانستان کی سپر سکس میں پہنچنے کی امید بھی زندہ ہو گئی، اگر نیپال کل پیر کو شیڈول اپنے آخری میچ میں ہانگ کانگ کو ہرا دیتا ہے تو اس صورت میں افغانستانی ٹیم سپر سکس میں پہنچ جائے گی، ایک اور میچ میں زمبابوے نے ہانگ کانگ کو 89 رنز سے ہرا دیا، زمبابوے نے پہلے کھیلتے ہوئے مقررہ اوورز میں 9 وکٹوں پر 263 رنز بنائے، مسکڈزا 84 رنز کی اننگز کھیل کر ٹاپ سکورر رہے، احسن نواز نے 4 کھلاڑیوں کو آئوٹ کیا، جواب میں ہانگ کانگ کی ٹیم مطلوبہ ہدف کے تعاقب میں 46.5 اوورز میں 174 رنز پر ڈھیر ہو گئی، انشومن راتھ کی 85 رنز کی اننگز بھی ٹیم کو شکست سے نہ بچا سکی، سکندر رضا نے 3 وکٹیں لیں، ویسٹ انڈیز نے آئرلینڈ کو 52 رنز سے شکست دی، کالی آندھی نے پہلے کھیلتے ہوئے 8 وکٹوں پر 257 رنز کا مجموعہ ترتیب دیا، روومان پاویل 101 رنز بنا کر ٹاپ سکورر رہے، کپتان جیسن ہولڈر 54 رنز بنا کر آئوٹ ہوئے، کرس گیل کا بلا نہ چلا اور صرف 14 رنز بنا سکے، ٹم مورتگ نے 4 کھلاڑیوں کو آئوٹ کیا، جواب میں آئرش ٹیم مطلوبہ ہدف کے تعاقب میں 47ویں اوور میں 205 رنز بنا کر آئوٹ ہو گئی، ایڈجائس کی 63 رنز کی اننگز بھی ناکافی ثابت ہوئی، کیمر روچ اور ولیمز نے 4، 4 وکٹیں لیں، ہالینڈ نے پاپوا نیو گنی کو 57 رنز سے شکست دے کر پہلی کامیابی حاصل کی۔
متعلقہ عنوان :
مزید کھیلوں کی خبریں
-
محمد حارث نے ٹیم میں واپسی کے لیے پی آر مہم چلائی ‘ احمد شہزاد کا الزام
-
ملکی تاریخ میں پہلی بار آسٹریلین والی بال ٹیم پاکستان کا دورہ کرے گی
-
فیملی کے ساتھ باہر جاؤں اور جب کوئی ’چاچو‘ کہے تو عجیب لگتا ہے، افتخاراحمد
-
پوری ٹیم بابر اعظم کو سپورٹ کر رہی ہے، سب کی نظریں ہم پر ہیں، مایوس نہیں کرینگے ، قومی کرکٹرز
-
اب چاہے کچھ بھی ہوجائے میں اکیلی ہی کافی ہوں، ثانیہ مرزا
-
باکسر عامر خان ایک دن کیلئے اعزازی کیپٹن بن گئے
-
محمد حارث نے ایسی کوئی پرفارمنس نہیں دی جو اسے پاکستانی ٹیم میں رکھا جائے : احمد شہزاد
-
رستم زماں گاما پہلوان کا یوم پیدائش 22 مئی کو منایا جائے گا
-
بابر اعظم پاکستان کو ٹی ٹونٹی ورلڈ کپ جتوانے کی صلاحیت رکھتے ہیں ،عماد وسیم کا دعویٰ
-
منیبہ علی کے ٹی ٹوئنٹی انٹرنیشنل میں ایک ہزار رنز مکمل
-
پاکستان کی اوپننگ جوڑی کا مسئلہ بابر اور رضوان نہیں بلکہ صائم ہے : شاہد آفریدی
-
محسن نقوی کی قذافی سٹیڈیم،نیشنل بینک سٹیڈیم کراچی اور راولپنڈی سٹیڈیم کی اپ گریڈیشن کیلئے انٹرنیشنل کنسلٹنٹ کی خدمات لینے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.