سلمان خان نے کیریئر کے ناامیدی کے دور میں آگے بڑھنے کی بھرپور حوصلہ افزائی کی، بوبی دیول

منگل 17 اپریل 2018 13:39

ممبئی ۔ (اُردو پوائنٹ اخبارتازہ ترین - اے پی پی۔ 17 اپریل2018ء) بالی وڈ اداکار بوبی دیول نے کہا ہے کہ اچھی اداکاری صلاحیتوں کے باوجود کیریئر کے ایک ایسے دور سے گزرا جب انہیں فلموں کی پیشکش نہیں ہوتی تھی لیکن اداکار سلمان خان نے جمے رہنے اور آگے بڑھنے کی بھرپور حوصلہ افزائی کی۔

(جاری ہے)

بھارتی ذرائع ابلاغ کے مطابق اداکار بوبی دیول نے کہا ہے کہ اچھی اداکاری صلاحیتوں کے باوجود کیریئر کے ایک ایسے دور سے گزرا جب مجھے فلموں کی پیشکش نہیں ہوتی تھی اور میں نے اپنی فٹنس پر بھی توجہ دینا کم کر دی تھی تو میری بیوی نے کہا کہ مجھے خود کو فٹ اور کسی بھی چیز کے لئے تیار رہنا چاہیئے اورکسی بھی وقت مجھے کام کی پیشکش ہو سکتی ہے۔

انہوں نے کہا کہ جب میں اپنے کیریئر کے low phase سے گزر رہا تھا تو اداکار سلمان خان نے آگے بڑھنے کی بھرپور حوصلہ افزائی کی اور اپنے ذاتی ٹرینر کو میری مدد کرنے کے لئے کہا۔ اداکار بوبی دیول فلم ’’ریس 3‘‘، ’’یملا پگلا دیوانہ: پھر سے‘‘ اور ’’ہائوس فل 4‘‘ میں دکھائی دیں گے۔

Facebook Twitter Google + Share on Whatsapp

سلمان خان نے کیریئر کے ناامیدی کے دور میں آگے بڑھنے کی بھرپور حوصلہ افزائی کی، بوبی دیول

متعلقہ عنوان :

مزید فن و فنکار کی خبریں