کراچی ،پولیس کی مختلف علاقوں میں علاقوں میں کارروائیاں ،7ملزمان گرفتار،اسلحہ اور مسروقہ سامان برآمد

جمعرات 19 اپریل 2018 18:09

کراچی (اُردو پوائنٹ اخبارتازہ ترین - این این آئی۔ 19 اپریل2018ء) جرائم پیشہ عناصر کے خلاف پولیس کی کارروائیاں جاری، شہر قائد کے مختلف علاقوں میں کارروائیوں کے دوران 7 ملزمان کو گرفتار کرکے اسلحہ اور مسروقہ سامان برآمد کرلیا ۔

(جاری ہے)

تفصیلات کے مطابق ناظم آباد پولیس نے اسٹریٹ کرمنل جاوید پٹھان کو گرفتار کرلیا ملزم کے قبضے سے غیر قانونی اسلحہ اوف مسروقہ سامان برآمد کرلیا، سائٹ سپر ہائی وے پولیس نے چھاپہ مار کر معروف کولڈرنگ کے نام سے بنائی جانے والی جعلی کو کولڈرنک کی فیکڑی پکڑی لی کارروائی کے دوران تین ملزمان کو گرفتار کرکے ملزمان کے قبضے سے بڑی تعداد میں مشروبات سے بھری بوتلیں اور فلنگ کرنے کا سامان پولیس نے تحویل میں لے لیا، گبول ٹاون انڈسٹریل ایریا انویسٹی گیشن پولیس نے فراڈ میں ملوث ملزم مزمل محمود کو گرفتار کرلیا جس کے خلاف فراڈ کا مقدمہ درج ہے ڈاکس پولیس نے ویسٹ ہارف روڈ فشری میں کارروائی کرتے ہوئے دو ڈکیت عبداللہ اور فرمان اللہ عرف موجا کو گرفتار کرکے ملزمان کے قبضے سے اسلحہ برآمد کرلیا گیا ملزمان کے خلاف مقدمہ درج کرکے قانونی کارروائی شروع کردی گئی۔