سعودی عرب ،چھوٹے قصبوں کے نوجوانوں کیلئے 10ہزار آسامیوں کا کوٹہ مختص

اتوار 29 اپریل 2018 10:00

مکہ مکرمہ۔ (اُردو پوائنٹ اخبارتازہ ترین - اے پی پی۔ 29 اپریل2018ء) سعودی شہر مکہ مکرمہ کے گورنر دفتر نے چھوٹے قصبوں کے رہائشی نوجوانوں کے لئے 10ہزار آسامیوں کا کوٹہ مختص کردیا ۔ 2020سعودی اخبار کے مطابق تک چھوٹی کمشنریوںکی یونیورسٹیوں سے فارغ التحصیل نوجوانوں کو نجی شعبے سے وابستہ کرنے کیلئے خصوصی تربیت دی جائیگی۔

(جاری ہے)

گورنر دفتر ،کنگ عبداللہ اکنامک سٹی کے تعاون سے تربیتی پروگرام کا اہتمام کریگا۔گورنر مکہ مکرمہ شہزادہ خالد الفیصل نے وزارت محنت کو ہدایت کی ہے کہ چھوٹی کمشنریوں کے نوجوانوں کو انکی کمشنریوں میں ہی آسامیاں فراہم کی جائیں۔ چھوٹی کمشنریوں کے شہریوں کی بڑے شہروں کی طرف منتقلی کی روک تھام کیلئے ضروری ہے کہ ان کے لئے اپنے شہروں میں کوٹہ مختص کیا جائے۔