آرمینیا سے تعلقات کی بحالی اس ملک کے مثبت موقف سے مشروط ہے، ترک وزیر اعظم

ہفتہ 12 مئی 2018 22:20

انقرہ(اُردو پوائنٹ اخبارتازہ ترین - آن لائن۔ 12 مئی2018ء) ترک وزیر اعظم بن علی یلدرم نے کہا ہے کہ اگر آرمینیا ترکی کیخلاف دشمنانہ مؤقف سے باز آجاتا ہے تو پھر ترکی بھی اپنے مؤقف میں تبدیلیاں لائے گا۔

(جاری ہے)

ہفتہ کو دارالحکومت انقرہ میں میڈیا سے بات چیت کرتے ہوئے ترک وزیر اعظم یلدرم نے کہا کہ اگر آرمینیا سالہا سال سے جاری ترکی مخالف مؤقف،ترکی کی زمینی سالمیت اور سرحدوں پر غیر موزوں عمل درآمد سے باز آتے ہوئے کسی نئے باب کا آغاز کرنے کا متمنی ہے تو ہم ان معاملات کی تفصیلات کا بغور جائزہ لینے کے بعد جوابی اقدام اٹھا سکتے ہیں۔

انہوں نے کہا کہ ہم کسی کیساتھ بھی نہیں اور بالخصوص ہمسایہ ملک کے ساتھ دشمنی کرنے کی بالکل خواہش نہیں رکھتے،تاہم اگر آرمینیا نے عملی طور پر نیک نیتی کا مظاہرہ کیا تو ہم بھی اپنے ملک کے مفاد کو بالائے طاق رکھتے ہوئے قدم اٹھائیں گے۔

Facebook Twitter Google + Share on Whatsapp

آرمینیا سے تعلقات کی بحالی اس ملک کے مثبت موقف سے مشروط ہے، ترک وزیر اعظم

متعلقہ عنوان :

مزید بین الاقوامی خبریں