برطانیہ نے 2016میں ناکام فوجی بغاوت کی سب سے پہلے مذمت کی ،ترکی

پیر 14 مئی 2018 16:10

انقرہ(اُردو پوائنٹ اخبارتازہ ترین - آن لائن۔ 14 مئی2018ء) ترک صدر رجب طیب ایردوآن نے کہاہے کہ ترکی کا اصل دوست برطانیہ ہے،غیرملکی خبررساں ادارے کے مطابق ترک صدر رجب طیب ایردوآن نے اپنے تین روزہ دورہ برطانیہ کے آغاز پر لندن پہنچنے کے بعد کہا کہ برطانیہ ترکی کا اتحادی اور اسٹریٹیجک پارٹنر تو ہے، مگر ساتھ ہی اصل دوست بھی ہے۔

(جاری ہے)

ترک رہنما آج(منگل کو) ملکہ الزبتھ اور وزیر اعظم ٹریزا مے سے ملاقاتیں کریں گے، ترک برطانوی تعلقات سے متعلق ایک فورم سے خطاب میں ایردوآن نے کہا کہ جولائی 2016ئ میں ناکام فوجی بغاوت کی مذمت سب سے پہلے برطانیہ نے کی تھی۔

ایردوآن نے کہا کہ ترکی میں ریفرنڈم کے ذریعے صدارتی نظام اور برطانیہ کے یورپی یونین سے اخراج کے فیصلے کے تناظر میں دونوں ممالک کے درمیان تعلقات میں مزید گرم جوشی پیدا ہوئی ہے۔