امریکی اقدامات ایران کی پیٹروکیمیکل برآمدات کو متاثر نہیں کر سکتا،مہدی شریفی نیک نفس

جمعہ 18 مئی 2018 15:10

تہران۔ (اُردو پوائنٹ اخبارتازہ ترین - اے پی پی۔ 18 مئی2018ء) ایران نے کہا ہے کہ جوہری معاہدے سے امریکی علیحدگی اس کی پیٹروکیمیکل برآمدات کو متاثر نہیں کرے گی۔

(جاری ہے)

ایران کی پیٹرو کیمیکل کمرشل کمپنی کے منیجینگ ڈائریکٹرمہدی شریفی نیک نفس نے ایرانی خبر رساں سے گفتگو کرتے ہوئے کہا کہ جوہری معاہدے سے امریکا کے الگ ہونے یا پابندیاں لگانے کے باوجود ایران کی پیٹروکیمیل صنعت اور مصنوعات کی برآمدات پر کوئی اثر نہیں پڑے گا۔

اس موقع پر انہوں نے کہا کہ پابندیوں کے دور میں پیٹروکیمیکل برآمدات سے متعلق تعمیری حکمت عملی اپنائی گئی جس کا مقصد برآمدات کے عمل کو ہر قسم کے نقصانات نے بچانا تھا تاہم آج بھی اسی حکمت عملی کے ذریعے پیٹروکیمیکل برآمدات کا سلسلہ جاری ہے اور اس پر امریکاکے حالیہ اقدامات سے کوئی اثر نہیں پڑے گا