جھنگ، میانوالی، بھکر ، لیہ ، بہاولپور سمیت ریتلے و کم بارش والے علاقوں میں گوارے کی کاشت اگلے ماہ مکمل کرنے کی ہدایت کر دی گئی

اتوار مئی 13:30

فیصل آباد (اُردو پوائنٹ اخبارتازہ ترین۔ 20 مئی2018ء) :محکمہ زراعت نے جھنگ، میانوالی، بھکر ، لیہ ، بہاولپور سمیت ریتلے و کم بارش والے علاقوں میں گوارے کی کاشت اگلے ماہ جون کے دوران مکمل کرنے کی ہدایت کی ہے اور کہاہے کہ کاشتکار گوارے کی فصل بروقت کاشت کر لیں تاکہ اس کی اچھی پیداوار حاصل ہو سکے۔

(جاری ہے)

انہوں نے بتایاکہ گوارہ موسم خریف کی اہم پھلی دار فصل ہے جسے پھلی دار خاندان سے تعلق رکھنے کی وجہ سے نائٹروجن کھاد کی ضرورت نہ ہوتی ہے کیونکہ یہ فصل نائٹروجن کی ضرورت کو خود پوراکرنے کی صلاحیت رکھتی ہے ۔

انہوںنے کہاکہ گوارہ زمین کی ذرخیزی میں اضافہ کرنے میں بھی اہم کردار ادا کرتاہے لہٰذا اگر اس کو ہل چلا کر زمین میں دبادیاجائے تو یہ زمین کی ذرخیزی میں کئی گنا اضافہ کردیتاہے۔ انہوںنے کہاکہ چونکہ گوارے کی کاشت کیلئے گرم آب وہوا درکار ہوتی ہے اس لئے جون کا مہینہ اس کی کاشت کیلئے انتہائی اہم ہے۔ انہوںنے کہاکہ گوارے کی فصل پانی کی کمی کو کافی دیر تک برداشت کرنے کی صلاحیت بھی رکھتی ہے ۔ انہوںنے کاشتکاروں کو ہدایت کی کہ وہ گوارے کی صرف منظور شدہ اقسام ہی کاشت کریں۔

متعلقہ عنوان :