روسی کھلاڑی انستاسیا پولوچینکووا نے اسٹراسبرگ اوپن ٹینس ویمنز سنگلز ٹائٹل جیت لیا

اتوار 27 مئی 2018 15:20

پیرس ۔ (اُردو پوائنٹ اخبارتازہ ترین - اے پی پی۔ 27 مئی2018ء) روسی کھلاڑی انستاسیا پولو چینکووا نے اسٹراسبرگ اوپن ٹینس ٹورنامنٹ ویمنز سنگلز ٹائٹل جیت لیا، انہوں نے فیصلہ کن معرکے میں ڈومنیکا سیبلکووا کو کانٹے دار مقابلے کے بعد ٹائی بریک پر شکست دی۔

(جاری ہے)

فرانس میں منعقدہ ایونٹ میں ویمنز سنگلز فائنل میں پولو چینکووا اور سیبلکووا کے درمیان زبردست مقابلہ دیکھنے کو آیا تاہم اعصاب کی جنگ میں قسمت نے پولوچینکووا کا ساتھ دیا اور انہوں نے سیبلکووا کو 3 گھنٹے اور 35 منٹس تک جاری رہنے والے مقابلے میں ٹائی بریک پر 6-7، (5-7)، 7-6(7-3) اور 7-6، (8-6) سے ہرا کر ٹائٹل جیتنے کا اعزاز حاصل کیا۔