ٹرمپ کل یورپی مصنوعات پر اضافی امریکی محصولات عائد کریں گے

یورپی یونین نے امریکا کے ساتھ تجارتی جنگ کو ٹالنے کی پوری کوشش کی ہے،جرمن وزیرخارجہ کا ردعمل

جمعرات 31 مئی 2018 13:14

ٹرمپ کل یورپی مصنوعات پر اضافی امریکی محصولات عائد کریں گے

برلن/واشنگٹن(اُردو پوائنٹ اخبارتازہ ترین - این این آئی۔ 31 مئی2018ء) امریکا اور یورپی یونین کے مابین تجارتی تنازعے میں محاذ آرائی کے آثار نمایاں طور پر دکھائی دے رہے ہیں۔

(جاری ہے)

امریکی ٹی وی کے مطابق قوی امکان ہے کہ امریکی صدر ڈونلڈ ٹرمپ یورپی یونین سے درآمد کی جانے والی فولاد اور المونیم کی مصنوعات پر اضافی محصولات عائد کرنے کا اعلان کر دیں گے۔ اس سلسلے میں یورپ کو حاصل استثنیٰ کی مدت کل(جمعہ کو) ختم ہو رہی ہے۔ جرمن وزیر اقتصادیات پیٹر آلٹمائر کے بقول یورپی یونین نے امریکا کے ساتھ تجارتی جنگ کو ٹالنے کی پوری کوشش کی ہے۔ آلٹمائر نے حال ہی میں امریکی وزیر تجارت ولبر روس سے ملاقات بھی کی تھی