نگراں وزیر داخلہ محمد اعظم خان کا چیف کمشنر آفس کادورہ

چیف کمشنر اسلام آباد نے انتخابی تیاریوں سے متعلق بریفنگ دی

جمعرات 7 جون 2018 15:36

اسلام آباد ۔ (اُردو پوائنٹ اخبارتازہ ترین - اے پی پی۔ 07 جون2018ء) نگراں وزیر داخلہ محمد اعظم خان نے جمعرات کو چیف کمشنر آفس کادورہ کیا جہاں انہیں الیکشن سے متعلق بریفنگ دی گئی۔ اس موقع پر وزیرداخلہ کی زیر صدارت اجلاس منعقد ہوا جس میں سیکرٹری داخلہ، چیف کمشنر اسلام آباد، آئی جی اسلام آباد اور اسلام آباد ضلعی انتظامیہ کے افسران شریک ہوئے ۔

(جاری ہے)

چیف کمشنر اسلام آباد ڈاکٹر آفتاب درانی کی طرف سے وزیرداخلہ کو وفاقی دارالحکومت میں انتخابی تیاریوں سے متعلق بریفنگ دی گئی۔ نگران وزیر داخلہ کو بتایا گیا کہ اسلام آباد میں 356 پولنگ اسٹیشنز مرد حضرات کے لئے ، اور 345 پولنگ اسٹیشنز خواتین کے لئے قائم کئے جائیں ہیں جبکہ 87 مخلوط پولنگ اسٹیشنز ہوں گے ۔ وزیرداخلہ کو آئی جی اسلام آباد کی طرف سے بھی بریفنگ دی گئی ۔ آئی جی اسلام آباد نے الیکشن کے حوالے سے کئے جانے والے سکیورٹی اقدامات سے وزیرداخلہ کو آگاہ کیا۔ وزیر داخلہ کی طرف سے الیکشن کے دوران اسلام آباد کے تمام پولنگ اسٹیشنز پر فول پروف سیکیورٹی انتظامات فراہم کرنے کی ہدایت کی گئی۔