محمد صلاح ورلڈ کپ تک فٹ ہو جائیں گے، مصری کوچ

جمعرات جون 16:04

قاہرہ(اُردو پوائنٹ اخبارتازہ ترین۔ 07 جون2018ء) مصر کی فٹبال ٹیم کے کوچ ہیکٹر کپر کا کہنا ہے کہ اسٹار کھلاڑی محمد صلاح فیفا ورلڈ کپ تک فٹ ہو سکتے ہیں لیکن یہ بھی حقیقت ہے کہ ہم صرف اس امید پر انحصار نہیں کر سکتے ۔ چیمپیئنز لیگ کے فائنل میں انجری کا شکار ہونے والے صلاح ان دنوں بحالی کے عمل سے گزر رہے ہیں اور ان کی فٹنس مصری ٹیم کیلئے خصوصی اہمیت رکھتی ہے۔

(جاری ہے)

کوچ کا کہنا تھا کہ محمد صلاح کا معاملہ اپنی جگہ لیکن مصری ٹیم کو ان کے بغیر بھی کھیلنے اور جیتنے کی راہ تلاش کرنا ہوگی۔ہم صرف صلاح پر انحصار نہیں کر سکتے اور نہ ہی کرنا چاہتے ہیں۔مجھے یقین ہے کہ صلاح پوری طرح فٹ ہو جائیں گے لیکن کوئی بھی مقابلہ کبھی کسی ایک کھلاڑی کے بل پر نہیں جیتا جاسکتا کیونکہ ہم ٹیم گیم کھیل رہے ہیں۔ ہیکٹر کا کہنا تھا کہ یہ سب کچھ کھیل کا حصہ ہے اور کسی بھی کھلاڑی کے ساتھ رونما ہو سکتا ہے اس لئے زیادہ پریشانی کی ضرورت نہیں ۔

متعلقہ عنوان :