جنوبی افریقن سپنر تبریز شمسی سری لنکا کے خلاف دوسرے ٹیسٹ کیلئے ٹیم کو دستیاب ہوں گے

جمعرات 19 جولائی 2018 16:10

کولمبو۔ (اُردو پوائنٹ اخبارتازہ ترین - اے پی پی۔ 19 جولائی2018ء) جنوبی افریقن سپنر تبریز شمسی نے سری لنکا میں دوبارہ سکواڈ کو جوائن کر لیا اور وہ میزبان ٹیم کے خلاف شیڈول دوسرے ٹیسٹ کیلئے دستیاب ہوں گے۔

(جاری ہے)

جنوبی افریقہ اور سری لنکا کے درمیان دوسرا اور آخری ٹیسٹ آج جمعہ سے شروع ہو گا اور میزبان آئی لینڈرز کو سیریز میں 1-0 کی برتری حاصل ہے۔ تبریز شمسی گھریلو وجوہات کی بناء پر واپس وطن لوٹ گئے تھے جس کی وجہ سے ان کی دوسرے ٹیسٹ میں شرکت غیریقینی صورتحال کا شکار تھی تاہم اب انہوں نے دوبارہ سری لنکا میں سکواڈ جوائن کر لیا ہے اور وہ دوسرا ٹیسٹ کھیلنے کیلئے تیار ہیں۔