سینیٹر میاں رضا ربانی نے پی آئی اے میں لازمی سروس ایکٹ کے خلاف سینیٹ سیکرٹریٹ میں قرارداد جمع کرا دی

پیر 6 اگست 2018 21:33

اسلام آباد ۔ (اُردو پوائنٹ اخبارتازہ ترین - اے پی پی۔ 06 اگست2018ء) سینیٹر میاں رضا ربانی نے پی آئی اے میں لازمی سروس ایکٹ کے نفاذ کے خلاف سینیٹ سیکرٹریٹ میں قرارداد جمع کرا دی۔

(جاری ہے)

پیر کو سینیٹر میاں رضا ربانی کی طرف سے جاری بیان کے مطابق لازمی سروس ایکٹ کے تحت پی آئی اے میں ٹریڈ یونین پر پابندی عائد کر دی گئی ہے جو آئین کے آرٹیکل 17 کی خلاف ورزی ہے۔ قرارداد میں وفاقی حکومت پر زور دیا گیا ہے کہ اس نوٹیفکیشن کو فوری واپس لیا جائے۔