سول عدالت لاہور کے جج نے ماڈل و اداکارہ ڈولی کے خلاف 10 کروڑ ہرجانہ کے دعویٰ پر یکطرفہ کارروائی کا آغاز کر دیا

ہفتہ 18 اگست 2018 21:43

لاہور (اُردو پوائنٹ اخبارتازہ ترین - آن لائن۔ 18 اگست2018ء) سول عدالت لاہور کے جج نے ماڈل و اداکارہ ڈولی کے خلاف 10 کروڑ روپے ہرجانہ کے دعویٰ پر یکطرفہ کارروائی کا آغاز کر دیا، عدالتی حکم کے باوجود ادکارہ ڈولی نے جواب داخل نہیں کروایا، عدالت میں شہری عمران نے ہرجانہ کے دعویٰ میں موقف اختیار کیا کہ اداکارہ ڈولی غیر قانونی طور پر اس کی کمپنی کا لوگو استعمال کر رہی ہیں جبکہ ان کے رائٹس درخواست گزار کے پاس ہیں لہٰذا غیر قانونی طور پر لوگو استعمال کرنے پر 10 کروڑ روپے ہرجانہ دلایا جائے، سول عدالت کے جج نے اداکارہ و ماڈل ڈولی کو جواب داخل کروانے کی ہدایت کی لیکن انہوں نے جواب داخل نہیں کروایا جس پر عدالت نے یکطرفہ کارروائی کا آغاز کرتے ہوئے سماعت ملتوی کر دی۔