بھارت کا ریاست اڑیسہ کے مشرقی ساحلی علاقے میں میزائل شکن میزائل کے کامیاب تجربہ کا دعویٰ

پیر 24 ستمبر 2018 14:17

نئی دہلی ۔ (اُردو پوائنٹ اخبارتازہ ترین - اے پی پی۔ 24 ستمبر2018ء) بھارت نے ریاست اڑیسہ کے مشرقی ساحلی علاقے میں میزائل شکن میزائل کے کامیاب تجربہ کا دعویٰ کرلیا ہے۔ پیر کو بھارتی خبررساں ادارے کے مطابق میزائل کا تجربہ اڑیسہ کے عبدالاکلامجزیرے میں رات گئے کیا گیا۔ بھارتی حکام کا کہنا ہے کہ اس میزائل کا تجربہ ملک کے دفاعی فضائی نظام میں ایک اہم پیش رفت ہے۔

(جاری ہے)

بھارت کے ڈیفینس ریسرچ اینڈ ڈویلپمنٹ آرگنائزیشن کے ایک اہلکار نے میڈیا سے گفتگو کرتے ہوئے کہا کہ ہم نے بیلسٹک میزائل میں کامیابی حاصل کرلی ہے اور اس سے بھارتی دفاع مزید مضبوط ہوگا۔ انہوں نے کہا کہ پرتھوی سیریز کا یہ میزائل زمین سے زمین پر 50 کلو میٹر کی دوری پر اہداف کو نشانہ بنانے کی صلاحیت رکھتا ہے۔ انہوں نے کہا کہ میزائل نصب خود کار ریڈار نظام کے تحت اپنے دشمن کی جانب سے فائر کئے گئے میزائل کا تعقب کر کے اسے تباہ کرنے کی صلاحیت رکھتا ہے۔