یک نہ شد، دو شد۔خراب مسوڑھے، بلڈ پریشر کا علاج مشکل
ہائی بلڈ پریشر کے ساتھ ساتھ منہ کی بیماری میں مبتلا افراد اس خبر کو ہر گز نظر انداز نہ کریں
جمعرات 25 اکتوبر 2018 22:05
امریکن ہارٹ ایسوسی ایشن کے تحقیقی جریدے ’’ہائپر ٹینشن‘‘ کے تازہ شمارے میں شائع شدہ ایک مقالے میں بتایا گیا ہے کہ جو لوگ جبڑوں اور مسوڑھوں کی بیماریوں میں مبتلا ہوتے ہیں، انہیں بلند فشارِ خون (ہائی بلڈ پریشر) یعنی ہائپر ٹینشن کے علاج میں بھی دشواریوں کا سامنا کرنا پڑتا ہے کیونکہ بلڈ پریشر گھٹانے والی دوائیاں ان پر کم اثر کرتی ہیں۔
اس بات کا انکشاف اٹلی کی یونیورسٹی آف لے عقیلہ میں ڈاکٹر پیتروپاؤلی کے زیرِ نگرانی کئے گئے ایک مطالعے میں ہوا ہے جس میں ہائی بلڈ پریشر کے 3,600 مریضوں کے طبّی ریکارڈز کا جائزہ لیا گیا۔ مطالعے کے دوران معلوم ہوا کہ جو لوگ بلڈ پریشر کے ساتھ ساتھ مسوڑھوں کی ایک عام بیماری ’’پیریوڈونٹائٹس‘‘ (periodontitis) میں بھی مبتلا ہوتے ہیں، ان پر بلڈ پریشر کم کرنے والی دواؤں کا اثر بھی دیگر مریضوں کے مقابلے میں 20 فیصد کم ہوتا ہے۔
(جاری ہے)
بتاتے چلیں کہ پیریوڈونٹائٹس یا ’’دندان سوزی‘‘ کے دوران مسوڑھوں اور جبڑوں میں تکلیف ہوجاتی ہے جس کی وجہ عام طور پر منہ میں پائے جانے والے مضر جراثیم (بیکٹیریا) ہوتے ہیں۔
اس مطالعے کی روشنی میں ماہرین کا مشورہ ہے کہ ہائی بلڈ پریشر کے مریضوں کیلئے دوا تجویز کرتے وقت ڈاکٹروں کو اُن کے منہ کی صحت کے بارے میں بھی معلومات حاصل کرنی چاہئیں؛ اور اگر انہیں منہ کی تکلیف بھی ہو تو بلڈ پریشر کے ساتھ ساتھ انہیں منہ کے امراض کا علاج کروانے کا مشورہ بھی دینا چاہئے۔
یہ اس لئے بھی ضروری ہے کیونکہ ہائی بلڈ پریشر کی دوا کے درست طور پر اثر نہ کرنے کی صورت میں یہ مرض اُن کیلئے جان لیوا بھی ثابت ہوسکتا ہے۔ ایک اندازے کے مطابق اس وقت دنیا بھر میں 25 سال سے زائد عمر کی 40 فیصد آبادی ہائی بلڈ پریشر سے متاثر ہے جبکہ بروقت اور مناسب علاج نہ کروانے کی صورت میں یہ کیفیت دل کے دَورے، فالج، دل کے اچانک بند ہوجانے اور گردوں کی خرابی تک کی وجہ بن سکتی ہے۔
مزید اہم خبریں
-
یو این جنرل اسمبلی: ہر سال 24 مئی کو یوم مارخور منانے کا فیصلہ
-
ملک میں بارشوں کا نیا سلسلہ داخل ہو گیا
-
اگر ملک چلانا ہے تو پھر نیب کے ادارے کو ختم کرنا پڑے گا
-
مشرقی افریقہ: بارشوں اور سیلاب کے دوران یو این امدادی کارروائیاں جاری
-
ایکسٹینشن بربادی کا راستہ ہے
-
سچ یہ ہے کہ یہ الیکشن تحریک انصاف جیت چکی
-
ملک میں رواں سال کی پہلی ہیٹ ویو کا الرٹ جاری
-
اگر میں نے فارم 47 کی بات کی تو ن لیگ منہ نہیں چھپا سکے گی
-
وزیرخزانہ کی ایف بی آرکو محصولات وصولی کا ہدف حاصل کرنے کیلئے ہر ممکن کوشش کی ہدایت
-
گندم اور چینی کا بحران پیدا کرنے کی ایک پوری اکانومی ہے
-
وزیراعظم محمد شہباز شریف سے چیئرمین پاکستان پیپلز پارٹی بلاول بھٹو زرداری کی ملاقات
-
سندھ حکومت سٹنٹنگ سمیت ہر قسم کی غذائی قلت کے خاتمے کیلئے اقدامات کر رہی ہے، وزیراعلیٰ سندھ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.