چین اور آسیان نے مستقبل میں باہمی تعاون اور سٹریٹجک پارٹنرشپ کو ترقی دینے کے وسط مدتی اور طویل مدتی منصوبے کی توثیق کر دی

بدھ 14 نومبر 2018 18:01

سنگا پور۔ (اُردو پوائنٹ اخبارتازہ ترین - اے پی پی۔ 14 نومبر2018ء) چین اور آسیان نے مستقبل میں باہمی تعاون اور سٹریٹجک پارٹنرشپ کو ترقی دینے کے وسط مدتی اور طویل مدتی منصوبے کی توثیق کر دی۔چائنا آسیان سٹریٹجک پارٹنر شپ وژن 2030 ء کی توثیق بدھ کو سنگاپور میں 21 ویں چائنا آسیان سربراہ اجلاس کے موقع پر کی گئی۔

(جاری ہے)

اس موقع پر آسیان کے چیئرمین سنگا پور کے وزیر اعظم لی سین لونگ نے کہا کہ آسیان اور چین میں باہمی مفادات پر مبنی مضبوط تعلقات موجود ہیں خاص طور سے ہمارے اقتصادی تعلقات بے حد فعال ہیں۔

چین آسیان کا بڑا تجارتی شراکت دار ہے۔باہمی تجارتی تعاون میں اضافے سے خطہ کے لوگوں کے لئے زبردست مواقع پیدا ہوں گے۔انہوں نے مزید کہا کہ فریقین کے باہمی اعتماد میں اضافہ سے علاقائی تنازعات کو بہتر انداز میں حل کرنے میں مدد ملے گی۔

Facebook Twitter Google + Share on Whatsapp

چین اور آسیان نے مستقبل میں باہمی تعاون اور سٹریٹجک پارٹنرشپ کو ترقی دینے کے وسط مدتی اور طویل مدتی منصوبے کی توثیق کر دی

متعلقہ عنوان :

مزید بین الاقوامی خبریں