پاکستان کی ٹیسٹ تاریخ میں ہدف کے تعاقب میں تیسری بدترین کارکردگی، 24 رنز پر آخری 6 وکٹیں گنوائیں

پیر 19 نومبر 2018 23:51

ابوظہبی ۔ (اُردو پوائنٹ اخبارتازہ ترین - اے پی پی۔ 19 نومبر2018ء) پاکستان کی ٹیسٹ کرکٹ کی تاریخ میں ہدف کے تعاقب میں تیسری بدترین کارکردگی کا مظاہرہ کیا، گرین شرٹس نے نیوزی لینڈ کے خلاف کھیلے گئے پہلے ٹیسٹ میچ کی دوسری اننگز میں 175 رنز کے ہدف کے تعاقب میں 24 رنز پر آخری 6 وکٹیں گنوائیں اور اسے میچ میں بھی شکست کا سامنا کرنا پڑا۔

(جاری ہے)

اس سے قبل پاکستانی ٹیم نے 1972-73ء میں آسٹریلیا کے خلاف کھیلے گئے میچ میں ہدف کے تعاقب میں 18 رنز پر آخری 6 وکٹیں کھوئی تھیں اور اس کے بعد 2004-05ء میں آسٹریلیا کے خلاف کھیلے گئے ٹیسٹ میچ میں گرین شرٹس نے 23 رنز پر آخری چھ وکٹیں گنوائی تھیں۔