اسلام آباد مریڈین سپر فٹ بال لیگ میں سی ڈی اے کلب نے اسلام آباد اکیڈمی کلب کو 2-0 گول سے ہرادیا

منگل 12 مارچ 2019 12:53

اسلام آباد(اُردو پوائنٹ اخبارتازہ ترین - این این آئی۔ 12 مارچ2019ء) اسلام آباد مریڈین سپر فٹ بال لیگ میں سی ڈی اے کلب نے اسلام آباد اکیڈمی کلب کو 2-0 گول سے ہرادیا۔ گذشتہ روز ٹی اینڈ ٹی گرائونڈ میں کھیلے گئے میچ میں سی ڈی اے کلب کو 2-0 گول سے برتری حاصل تھی، پہلے ہاف کے 10 ویں منٹ میں سی ڈی اے کلب کی طرف سے سلمان نے گول کرکے اپنی ٹیم کو برتری دلائی جس کو جواد نے 43 ویں منٹ میں دگنا کرتے ہوئے مقابلہ 2-0 گول کردیا جو مقررہ وقت تک جاری رہا۔

اسلام آباد اکیڈمی کلب کے کھلاڑی سی ڈی اے کلب کے کھلاڑیوں کے آگے میچ کے دوران بے بس دکھائی دیئے اور کوئی بھی گول نہ کرسکے حالانکہ یہ اس ٹیم کا شمار اسلام آباد کی بہترین ٹیموں میں سے ہے میچ کمشنر کے فرائض غلام مجتبی بلوچستان نے اور ریفری کے چمن خان نے انجام دیئے۔

(جاری ہے)

سی ڈی اے کے اسسٹنٹ ڈائریکٹر سپورٹس چوہدری شہزاد نے ٹیم کی میچ کی کامیابی پر کھلاڑیوں اور انتظامیہ کو مبارکباد دی ہے اور امید ظاہر کی ہے اگر ٹیم کے کھلاڑی متحد ہوکر اور جذبے کے ساتھ کھیلتے رہے تو لیگ ضرور کامیابی حاصل کریں گے اسلام آباد فٹ بال ایسوسی ایشن کے جنرل سیکرٹری سید شرافت حسین بخاری نے بتایاکہ لیگ میں اسلام آباد کی بہترین آٹھ ٹیمیں حصہ لے رہی ہیں جن میں ہما کلب، سی ڈی اے کلب، اکبر کلب، اسلام آباد اکیڈمی کلب، مہران کلب، روور کلب، راوی کلب اور ایورگرین شامل ہیں-