پہلی اسلام آباد مریڈین فٹ بال سپرلیگ کے مزید دو میچ کل کھیلے جائیں گے

ہفتہ 16 مارچ 2019 14:02

اسلام آباد (اُردو پوائنٹ اخبارتازہ ترین - این این آئی۔ 16 مارچ2019ء) اسلام آباد فٹ بال ایسوسی ایشن کے زیراہتمام جاری پہلی اسلام آباد مریڈین فٹ بال سپرلیگ کے مزید دو میچ کل اتوار کو ٹی اینڈ ٹی گرائونڈ میں کھیلے جائیں گے۔

(جاری ہے)

پہلے میچ میں اکبر کلب کا مقابلہ راوی کلب سے دوپہر ایک بجے ہوگا جبکہ دوسرے میچ سی ڈی اے کلب اور روور کلب کی ٹیمیں سہ پہر ساڑھے تین بجے مدمقابل ہونگی، اسلام آباد فٹ بال ایسوسی ایشن کے جنرل سیکرٹری سید شرافت حسین بخاری نے بتایاکہ لیگ میں اسلام آباد کی بہترین آٹھ ٹیمیں حصہ لے رہی ہیں جن میں ہما کلب، سی ڈی اے کلب، اکبر کلب، اسلام آباد اکیڈمی کلب، مہران کلب، روور کلب، راوی کلب اور ایورگرین شامل ہیں۔

انہوں نے کہا کہ لیگ پی ایف ایف رولز کے مطابق کھیلی جا رہی ہے۔