عبدالحکیم ‘جگر کے کینسر میں مبتلا ایڈیشنل سیشن جج چوہدری بشیر احمد انتقال کر گئے

عبدالحکیم (اُردو پوائنٹ اخبارتازہ ترین - این این آئی۔ 11 اپریل2019ء) جگر کے کینسر میں مبتلا ایڈیشنل سیشن جج چوہدری بشیر احمد انتقال کر گئے نماز جنازہ انکے آبائی گاؤں میں ادا کر دی گئی، عبدالحکیم کی معروف مذہبی شخصیت سٹی امیر مرکزی جمعیت اھل حدیث عبدالحکیم حاجی عبدالستار مغل کے برادر نسبتی، پاکستان مسلم لیگ ن یوتھ ونگ سٹی کے جنرل سیکرٹری ابرار عزیز مغل کے خالو جان حاظر سروس ایڈیشنل سیشن جج چوہدری بشیر احمد جوکہ عرصہ تین ماہ سے موذی مرض جگر کے کینسر میں مبتلا تھے ایک ماہ قبل زیادہ طبعیت ناساز ہو جانے کے باعث انکو نشتر ہسپتال ملتان داخل کرادیا گیا گزشتہ رات وہ موت و حیات کی کشمکش رہنے کے بعد خالق حقیقی سے جا ملے مرحوم عرصہ دو سال قبل مظفر گڑھ میں اپنے فرائض سرانجام دیتے رہے اور دو ماہ قبل انکا تبادلہ دیپالپور کر دیا گیا تھا مرحوم کی پہلی نماز جنازہ مظفر گڑھ اور دوسری نماز جنازہ انکے آبائی گاؤں 86 بارہ ایل رنگی رام والا میانچنوں میں ادا کر دی گئی ہے مرحوم نے سوگواران میں دو بیٹیاں ایک بیٹا اور بیوہ شامل ہیں انکی عمر 51 سال تھی نماز جنازہ میں علاقہ بھر کی سیاسی، سماجی، مذہبی، وکلاء ججز ودیگر شعبہ ہائے زندگی سے تعلق رکھنے والوں افراد نے کثیر تعداد میں شرکت کی -