آئی ٹی ایف پاکستان جونیئر عالمی رینکنگ ٹینس چیمپئین شپ ,پاکستان کے شعیب خان اور حذیفہ عبدالرحمن جبکہ کوریا کے کنگ گنوک اور کم منجون سیمی فائنل میں پہنچ گئے

بدھ 16 اکتوبر 2019 19:22

اسلام آباد ۔ (اُردو پوائنٹ اخبارتازہ ترین - اے پی پی۔ 16 اکتوبر2019ء) آئی ٹی ایف پاکستان جونیئر عالمی رینکنگ ٹینس چیمپئین شپ کے بوائز سنگلز کے مقابلوں پاکستان کے شعیب خان اور حذیفہ عبدالرحمن جبکہ کوریا کے کنگ گنوک اور کم منجون سیمی فائنل میں پہچ گئے۔

(جاری ہے)

گذشتہ روز دلاور عباس ٹینس کمپلیکس میں کھیلے گئے بوائز سنگلز کے کوارٹر فائنل مقابلے میں پاکستان کے شعیب خان نے برطانیہ کے ویب دنیال کو 2-1 سے، پاکستان کے حذیفہ عبدالرحمن نے ہم وطن کامل احمد کو 2-0 ، کوریا کے کنگ گنوک نے نعمان آفتاب کو 2-0 سے اور کوریا کے کم منجون نے پاکستان کے ثاقب حیات کو 2-0 سے شکست دے کر سیمی فائنل میں جگہ بنالی۔

گرلز سنگلز کے ترکی کی ایسیگل مرٹ نے آئرلینڈ کی چراغی دورسا کو 2-0 سے، کوریا کی چوئی جی ویو نے فرانس کی ٹھورڈ کو 2-0 سے، روس کی ولیٹوا ارینا نے آئرلینڈ کی خانلو مھٹا کو 2-0 سے اور کوریا کی جنگ سوھا نے ترکی کی الماس لیلا کو 2-0 سے شکست دے کر سیمی فائنل میں جگہ بنالی۔ گرلز ڈبلز کے مقابلوں آئرلینڈ کی خانلو میھٹا اور صافی مشکاٹول جبکہ کوریا کی چوئی جی ویو اور جنگ سو نے فائنل کے لئے کوالیفائی کرلیا ہے فائنل مقابلے جمعرات کو کھیلے جائیں گے۔