چنیوٹ: پولیس کا جرائم پیشہ عناصر کیخلاف کریک ڈائون

منشیات فروشوں،جواریوں سمیت8ملزمان کو گرفتار کرلیا

بدھ 22 جنوری 2020 23:06

چنیوٹ(اُردو پوائنٹ اخبارتازہ ترین - آن لائن۔ 22 جنوری2020ء) چنیوٹ پولیس نے جرائم پیشہ عناصر کیخلاف کریک ڈائون کرتے ہوئے منشیات فروشوں،جواریوں سمیت8ملزمان کو گرفتار کرلیا۔منشیات فروشوں کیخلاف کریک ڈائون کرتے ہوئے 4ملزمان عابد،رمضان،احمد اور امیر کو گرفتار کرکے 520گرام چرس،28لیٹر شراب برآمد کرلی۔

(جاری ہے)

ملزمان کیخلاف کاروائیاں تھانہ سٹی اور تھانہ کانڈیوال سے سیف اللہ اے ایس آئی اور ارشاد حسین اے ایس آئی نے کیں۔

قمار بازوں کیخلاف کریک ڈائون کرتے ہوئے 4ملزمان منشاء،ناصر،جاوید اور امیر کو گرفتار کرلیا گیا۔ملزمان کیخلاف تھانہ سٹی اور رجوعہ سے انسپکٹر شوکت حسین، عبدالرشید ایس آئی،مروت حسین ایس آئی،طارق محمود ایس آئی نے کیں۔ملزمان کیخلاف مقدمات درج کرکے مزید کاروائی جاری ہے۔