چین میں کورونا وائرس کے 78 نئے کیسز ‘دوسری لہر کاخدشہ
اٹلی میں ہلاکتوں کا سلسلہ جاری‘نیوزی لینڈاور برطانیہ میں لاک ڈاﺅن
میاں محمد ندیم منگل 24 مارچ 2020 13:31
(جاری ہے)
چین میں اب تک کورونا وائرس کے 81 ہزار 553 کیسز رپورٹ ہوئے جن میں سے 3 ہزار 281 افراد ہلاک اور 73 ہزار 277 صحت یاب ہوچکے ہیں. اٹلی میں کورونا وائرس سے گزشتہ روز 602 نئی ہلاکتیں رپورٹ ہوئی جس کے بعد ملک میں کل ہلاکتوں کی تعداد 6 ہزار 77 ہوگئی خیال رہے کہ اٹلی میں ہفتے کو 793 ہلاکتیں اس بیماری کے نتیجے میں ہوئیں جو کسی بھی ملک میں ایک دن میں سب سے زیادہ ہلاکتیں تھیں، جبکہ اتوار کو یہ تعداد 651 تھی. اموات کی تعداد میں اس کمی سے یہ توقع پیدا ہوئی ہے کہ اٹلی میں بحران میں کمی آسکتی ہے، تاہم ڈاکٹروں اور سائنسدانوں کا کہنا تھا کہ ابھی کچھ کہنا قبل ازوقت ہے اٹلی میں وائرس سے اب تک متاثر ہونے والے افراد کی تعداد 63 ہزار 927 ہے جبکہ 6 ہزار سے زائد ہلاک اور 7 ہزار 432 صحت یاب ہوچکے ہیں.نیوزی لینڈ میں ایک ماہ کے لاک ڈاﺅن کی تیاری کے ساتھ ساتھ وزیر اعظم جیسینڈا آرڈرن نے شہریوں سے کورونا وائرس سے نمٹنے کے لیے رابطہ کم سے کم کرنے پر زور دیا ہے پارلیمنٹ میں پریس کانفرنس کے دوران انہوں نے کہا کہ سب سے آسان چیز ہے کہ آپ گھر پر رہیں، اس طرح سے ہم زندگیاں بچائیں گے نیوزی لینڈ میں اس وقت کورونا وائرس کے کل کیسز کی تعداد 155 ہے جن میں سے 12 صحت یاب بھی ہوچکے ہیں. برطانوی وزیر اعظم بورس جونسن نے غیر ضروری دکانوں اور سروسز کے 3 ہفتوں کے شٹ ڈاﺅن اور 2 سے زائد افراد کے اکٹھے ہونے پر پابندی عائد کردی ہے بورس جونسن نے ٹی وی پر نشر ہونے والے خطاب کرتے ہوئے عوام سے گھروں میں رہنے کا کہا یہ اعلان ایسے وقت میں سامنے آیا جب عوام ملک بھر میں پارکس میں ہفتے کے اختتام سے لطف اندوز ہورہی ہے جس پر کئی لوگوں نے سخت کارروائی کا مطالبہ بھی کیا تھا. برطانیہ میں اس وقت تک کورونا وائرس سے متاثرین کی تعداد 6 ہزار 726 ہوگئی ہے جبکہ اس سے 336 افراد ہلاک اور 140 صحت یاب بھی ہوچکے ہیں. ادھرامریکی شہری کورونا وائرس سے بچنے کے لیے کلوروکوئن فاسفیٹ کو تحفظ دینے والی دوا سمجھ کر کھانے کے بعد ہلاک ہوگیا ہے مذکورہ شخص کی اہلیہ نے بھی کلوروکوئن کھائی جس کے بعد اس کی حالت بھی نازک ہے رپورٹ کے مطابق جو چیز انہوں نے کھائی وہ انسانوں میں ملیریا کا علاج کرنے والی کلوروکوئن کی شکل میں نہیں تھی بلکہ مچھلیوں میں کیڑوں کے علاج کے لیے استعمال ہونے کی اجزا میں شامل تھی. میانمار میں دو افراد میں کورونا وائرس کی تصدیق ہوگئی ہے رپورٹ کے مطابق ان دونوں افراد نے حال ہی میں امریکا اور برطانیہ کا دورہ کیا تھا وزارت صحت کا کہنا ہے کہ 36 سالہ شخص امریکا اور 26 سالہ شخص برطانیہ سے واپس آئے تھے اور ان میں وائرس کی تصدیق ہوگئی ہے بیان میں کہا گیا کہ ان دونوں مریضوں سے رابطے میں موجود لوگوں کے حوالے سے تحقیقات کی جارہی ہیں. اتحاد ایئرویز نے بیرون ملک تمام پروازوں کو منسوخ کرتے ہوئے سماجی رابطے کی ویب سائٹ ٹوئٹر پر بیان جاری کیا کہ آپ نے اگر آپ نے کنیکٹنگ فلائیٹ ابو ظہبی سے دیگر مقامات کی بکنگ کی ہے تو آپ سفر نہیں کرسکیں گے اور آپ کو ایئرپورٹ نہیں آنا چاہیے‘ ایئرلائن کا کہنا ہے کہ ابو ظہبی میں موجود افراد 25 مارچ کی رات رک ابو ظہبی سے جاسکیں گے متحدہ عرب امارات میں کورونا وائرس سے متاثرین کی تعداد 198 ہے جن میں سے 2 افراد ہلاک اور 41 صحت یاب ہوچکے ہیں. عالمی ادارہ صحت (ڈبلیو ایچ او) کے سربراہ تیدروس آدھانوم نے عوام سے گھروں میں رہنے اور دیگر جسمانی دوری کے اقدامات کرنے کا کہتے ہوئے بتایا کہ یہ وائرس کے پھیلاﺅ کو روکنے اور وقت حاصل کرنے کے لیے اہم اقدامات ہیں تاہم یہ دفاعی اقدامات ہیں، آپ کوئی بھی فٹبال کا کھیل صرف دفاع کرکے نہیں جیت سکتے آپ کو حملہ بھی کرنا ہوگا.انہوں نے کہا کہ جیت کے لیے ہمیں وائرس پر جارحانہ انداز میں اور اہداف کے طریقہ کار کو اپناتے ہوئے حملہ کرنا ہوگا، ہر مشتبہ شخص کا ٹیسٹ کرنا آئیسولیشن اور تمام تصدیق شدہ کیسز کی دیکھ بھال کرنا، اور قریبی رابطوں کا سراغ لگانا اور انہیں قرنطینہ میں ڈالنا ہوگا . انہوں نے خبردار کیا کہ وبا تیزی سے پھیل رہی ہے تعداد پہلے کیس سے ایک لاکھ کیس تک پہنچنے میں صرف 67 روز لگے، ایک لاکھ سے دو لاکھ میں صرف 11 روز اور تیسرے لاکھ کے لیے صرف 4 روز لگے.
مزید اہم خبریں
-
نو مئی: فوج کے غصے اور خان کی مقبولیت میں کوئی کمی نہیں آئی
-
کورکمانڈر ہاؤس تک کتنے ناکے لگے ہوتے ہیں، 9 مئی کو پولیس کہاں تھی؟
-
خیبرپختونخواہ کسانوں سے 3900 روپے کی قیمت پر گندم خریداری مہم شروع کرنے والا پہلا صوبہ بن گیا
-
قوم اور پاکستان نو مئی کے مجرموں کو بھولے ہیں نہ بھولیں گے
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.