تھیلیسمیا کے مریضوں کیلئے خون کے عطیہ کا شروع کیا گیا سلسلہ جاری رہا

پولیس کے افسران و جوان توقع سے زیادہ جوش و جذبہ سے حصہ لے رہے ہیں ، آئی جی اسلام آباد

پیر 6 اپریل 2020 14:36

اسلام آباد (اُردو پوائنٹ اخبارتازہ ترین - این این آئی۔ 06 اپریل2020ء) آئی جی اسلام آباد محمد عامر ذوالفقار خان کا تھیلیسمیا کے مریضوں کیلئے خون کے عطیہ کا شروع کیا گیا سلسلہ پیر کو بھی جاری رہا ،پولیس کے افسران و جوان توقع سے ذیادہ جوش و جذبہ سے حصہ لے رہے ہیں ۔

(جاری ہے)

پیر کو اسلام آباد پولیس کے دیگر ڈویڑنز کے ساتھ ساتھ ٹریفک پولیس کے افسران و جوانوں بھی تھیلیسمیا کے مریضوں کے لیے خون کا عطیہ دینے میں پیش پیش رہے ،اسلام آباد پولیس کے تمام افسران و جوانوں نے بخوشی خون کا عطیہ دیتے رہے ۔

آئی جی اسلام آباد نے کہاکہ لاک ڈائون کے باعث تھیلیسمیا کے مریضوں کو خون کی کمی کا سامنا ہے۔آئی جی اسلام آباد نے کہاکہ والدین کے جگر گوشوں کی زندگیاں بچانے سے بڑا اعزاز کیا ہو سکتا ہے۔ انہوںنے کہاکہ لاک ڈاؤن کے دوران ملک بھر میں خون کے عطیات میں واضح کمی آئی ہے ،اسلام آباد پولیس اپنے شہریوں کے ساتھ کھڑی ہے۔