فلسطین میں اسکولوں کے امتحانات شروع، 78 ہزار480 طلبا کی شرکت

امتحانات کے دوران وزارت صحت کے جاری کردہ پروٹو کول اور سماجی دوری کے اصول پر سختی سے عمل درآمد کرایا جائے گا،بیان

ہفتہ 30 مئی 2020 15:50

فلسطین میں اسکولوں کے امتحانات شروع، 78 ہزار480 طلبا کی شرکت

رام اللہ(اُردو پوائنٹ اخبارتازہ ترین - این این آئی۔ 30 مئی2020ء) فلسطین کے جنوبی اور شمالی اضلاع، بیرون ملک اور القدس میں اسکولوں کے سالانہ امتحانات شروع ہو گئے جن میں 78 ہزار 480 طلبا اور طالبات حصہ لیں گے۔

(جاری ہے)

مرکزاطلاعات فلسطین کے مطابق وزارت تعلیم کی طرف سے جاری کردہ بیان میں کہا گیا کہ امتحانات کے انعقاد میں تمام تر ضروری معیارات اور شرائط پرعمل درآمد کو یقینی بنایا جا رہا ہے۔ اس حوالے سے فلسطینی وزارت صحت کے وضع کردہ اصولوں اور کرونا وبا کے خطرات کے پیش نظر طلبا وطالبات اور عملے کے تحفظ کے لیے تمام ممکنہ اقدامات کئے گئے ۔بیان میں کہا گیا کہ امتحانات کے دوران وزارت صحت کے جاری کردہ پروٹو کول اور سماجی دوری کے اصول پر سختی سے عمل درآمد کرایا جائے گا۔