رمیز راجہ کو بابر اعظم کی بیٹنگ میں تکنیکی خامی نظر آگئی

لنچ سے قبل کے کھیل میں بابراعظم اوپن شولڈرکے ساتھ بیٹنگ کررہے تھے جس سے سر کی پوزیشن بہتر نہیں تھی :سابق کپتان

ذیشان مہتاب جمعرات 6 اگست 2020 11:32

رمیز راجہ کو بابر اعظم کی بیٹنگ میں تکنیکی خامی نظر آگئی

لاہور (اردو پوائنٹ تازہ ترین اخبار۔6اگست 2020ء ) سابق کپتان رمیز راجہ کو انگلینڈ سے پہلے ٹیسٹ کے ابتدائی روز بابر اعظم کی بیٹنگ میں تکنیکی خامی نظر آگئی۔ رمیز راجہ نے کہا کہ لنچ سے قبل کے کھیل میں بابراعظم اوپن شولڈرکے ساتھ بیٹنگ کررہے تھے جس سے سر کی پوزیشن بہتر نہیں تھی، ایسے میں آؤٹ سوئنگر کھیلنے میں مشکل ہوسکتی ہے، بابر کو اس چھوٹی سے تکنیکی خامی پر قابو پانا ہوگا۔

(جاری ہے)

صفر پر آؤٹ ہونے والے کپتان اظہرعلی کے بارے میں رمیز راجہ نے کہاکہ ایسا لگتا ہے وہ ہر چیز کے بارے میں بہت زیادہ سوچتے رہتے ہیں، بیٹنگ اور کپتانی میں بہت زیادہ تجزیہ کرتے ہیں، انھیں لازمی طور پر خود کو پْرسکون رکھنے کی ضرورت ہے۔