وفاقی دارالحکومت میں چوری کی تین وارداتیں

ہفتہ 26 ستمبر 2020 00:17

اسلام آباد ۔ (اُردو پوائنٹ اخبارتازہ ترین - اے پی پی۔ 26 ستمبر2020ء) وفاقی دارالحکومت میں چوری کی تین وارداتوں کے دوران شہری پانچ لاکھ کے زیورات، ساڑھے پانچ لاکھ کا پیپسی ڈسٹری بیوشن کا سامان اور ایک دو لاکھ مالیتی گائے سے محروم ہو گئے، عدنان شفیع نے لوئی بھیر پولیس کو بتایا کہ کورنگ ٹائون میں رہائش پذیر ہوں، میری گھریلو ملازمہ سدرہ اور اس کی دوست نے میرے گھر سے نقدی، طلائی زیورات مالیتی 5لاکھ چوری کئے ہیں، تجمل حسین نے سہالہ پولیس کو بتایا کہ میرے ملازمین ریاض ، عامر اور بشیر نے میرے پیپسی ڈسٹری بیوشن دفتر سے پانچ لاکھ 53ہزار کا سٹاک چوری کیا، پنڈ ملکاں کے محمد زبیر نے کورال پولیس کو بتایا کہ میرے گھر کے باہر ایک گائے مالیتی دو لاکھ روپے بندھی تھی جسے نامعلوم شخص نے چوری کیا ہے، پولیس نے مذکورہ بالا واقعات کی بابت مقدمات درج کر لئے۔

Facebook Twitter Google + Share on Whatsapp

وفاقی دارالحکومت میں چوری کی تین وارداتیں

متعلقہ عنوان :

مزید قومی خبریں