اساتذہ ہمارا سرمایہ ہے ہر کامیاب شخص کی کامیابی کے پیچھے اساتذہ کی محنت پوشیدہ ہوتی ہے اساتذہ طلباء کی صلاحیتوں کو اجاگر کریں، ایڈیشنل آئی جی ڈاکٹر جمیل

منگل 20 اکتوبر 2020 23:54

حیدرآباد(اُردو پوائنٹ اخبارتازہ ترین - این این آئی۔ 20 اکتوبر2020ء) ایڈیشنل آئی جی ڈاکٹر جمیل احمد نے کہا ہے کہ اساتذہ ہمارا سرمایہ ہے ہر کامیاب شخص کی کامیابی کے پیچھے اساتذہ کی محنت پوشیدہ ہوتی ہے اساتذہ طلباء کی صلاحیتوں کو اجاگر کریں۔

(جاری ہے)

وہ مہران ٹیچرز ایسوسی ایشن کے 33ویں یوم تاسیس کے موقع پر ایسوسی ایشن کے نو منتخب ارکان کی تقریب حلف برداری کی تقریب سے خطاب کر رہے تھے،ڈاکٹر جمیل احمد نے کہا کہ ملکی تعمیر و ترقی میں اساتذہ اپنا کردار ادا کریں اور طلباء کی صلاحیتوں کو اجاگر کریں، اساتذہ کو خصوصی تعظیم و تکریم دینے اور ان کے قانونی مسائل کو ترجیہی بنیادوں پر حل کرنے کے لئے پولیس افسران کو ہدایات جاری کردی گئی ہیں استاد قوم کا محسن و معمار ہوتا ہے استاد کے بغیر طالب علم کی شخصیت میں نکھار پیدا نہیں ہوسکتا، تقریب میں ڈی ای اوپیر غلام محی الدین، اسسٹنٹ ڈائریکٹر نواب زین العابدین، مرکزی صدرشمس الدین سہو، ضلعی صدر امیر حسین ہسبانی ودیگر نے شرکت کی۔