ارفع ٹاور میں محکمہ لائیو سٹاک اینڈ ڈیری ڈویلپمنٹ اور پنجاب آئی ٹی بورڈ کے درمیان معاہدے کی تقریب

معاہدے کے تحت محکمہ لائیو سٹاک کے آئی ٹی سسٹم کو جدید خصوصیات سے لیس کیا جائیگا‘ کسانوں کی فلاح و بہبود اور گورننس میں بہتری آئے گی

جمعرات 10 جون 2021 16:55

ارفع ٹاور میں محکمہ لائیو سٹاک اینڈ ڈیری ڈویلپمنٹ اور پنجاب آئی ٹی ..

لاہور (اُردو پوائنٹ اخبارتازہ ترین۔ 10 جون2021ء) کسانوں کی سہولت اور گورننس میں بہتری کی خاطر پنجاب آئی ٹی بورڈ اور محکمہ لائیوسٹاک اینڈ ڈیری ڈویلپمنٹ پنجاب کے درمیان کسان دوست آئی ٹی سسٹم (سٹرینتھ آف پرفارمنس مینجمنٹ سسٹم 9211) کو جدید خصوصیات سے لیس کرنے کیلئے معاہدہ طے پا گیا۔ معاہدہ پر ڈائریکٹرجنرل پی آئی ٹی بی فیصل یوسف اور ڈائریکٹر لائیوسٹاک ڈاکٹر اشرف نے دستخط کیے۔

تقریب میں صوبائی وزیر برائے ہائر ایجوکیشن و آئی ٹی راجہ یاسر ہمایوں‘ صوبائی وزیر لائیوسٹاک سردار حسنین بہادر دریشک‘ چیئرمین پی آئی ٹی بی اظفر منظور‘سیکرٹری لائیوسٹاک اسد رحمن گیلانی و دیگر شریک ہوئے۔معاہدہ کے تحت پی آئی ٹی بی محکمے کیلئے اینڈرائڈ اور ویب ایپلی کیشنز وضع کرنے کیساتھ رپورٹس اورتجزیات کے حصول پر مبنی نظام وضع کریگا۔

(جاری ہے)

تقریب سے خطاب کرتے ہوئے راجہ یاسر ہمایوں نے کہا کہ ماضی کی نسبت اس سسٹم کو چلانے کی لاگت انتہائی کم آئے گی جبکہ کارکردگی مزید بہتر ہو گی۔ سردار حسنین بہادر دریشک نے کہا کہ اس اقدام سے کسانوں کی فلاح اور محکمانہ امور کی انجام دہی میں مدد ملے گی۔

تقریب میں بتایا گیا کہ اس نظام کے ذریعے کسانوں کی رجسٹریشن‘ جانوروں میں بیماریوں کے الرٹس اور تشخیص‘علاج‘ویکسی نیشن‘کارکردگی کی مانیٹرنگ‘ سپلائی چین مینجمنٹ اور دیگر امور ممکن ہو سکیں گے۔