چین میں ہالی وڈ اداکار زیادتی کے الزام میں گرفتار

پیر 2 اگست 2021 21:29

بیجنگ (اُردو پوائنٹ اخبارتازہ ترین - آن لائن۔ 02 اگست2021ء) چینی نژاد ہالی وڈ اداکار و گلوکار کرس وو کو جنسی ذیادتی کے الزام میں چین کی پولیس نے گرفتار کرلیا۔ پولیس کے مطابق 30 سالہ کرس وو نامی چینی نژاد کینیڈین شخص کو زیادتی کے الزام میں گرفتار کیا گیا ہے۔

(جاری ہے)

چینی دارالحکومت بیجنگ کے ضلع چاؤیانگ کی پولیس کے بیان کے مطابق کرس وو سے نوجوان لڑکیوں کے ساتھ آن لائن جنسی تعلق قائم کرنے کے الزامات کی تحقیقات کی جا رہی تھیں۔خیال رہے کرس وو پر گزشتہ ماہ ایک 18 سالہ چینی طالبہ نے خود سمیت دیگر کمسن لڑکیوں کے ساتھ جنسی تعلقات قائم کرنے کا الزام لگایا تھا۔ واضح رہے کرس وو نے 2017 میں ایکشن فلمReturn of Xander Cage سے ہالی وڈ میں قدم رکھا تھا اور وہ گلوکاری بھی کرتے ہیں۔