ہاکی فیڈریشن کا سابق چیف آف جنرل سٹاف و ڈی جی ملٹری آپریشنز لیفٹیننٹ جنرل ر اشفاق ندیم کے انتقال پر تعزیت کااظہار

جمعہ 24 ستمبر 2021 17:09

اسلام آباد (اُردو پوائنٹ اخبارتازہ ترین - این این آئی۔ 24 ستمبر2021ء) پاکستان ہاکی فیڈریشن نے سابق چیف آف جنرل سٹاف و ڈی جی ملٹری آپریشنز لیفٹیننٹ جنرل ر اشفاق ندیم کے انتقال پر تعزیت کااظہار کیا ہے ۔

(جاری ہے)

تفصیلات کے مطابق رحوم نے قومی کھیل ہاکی کی ترویج و ترقی کے لئے بھی کئی انقلابی اقدامات کئے اور ماڑی پیٹرولیم ہاکی ٹیم کے قیام سمیت آرمی ہیریٹیج فائونڈیشن کے زیرانتظام ماڑی پیٹرولیم آسٹروٹرف ہاکی سٹیڈیم کا قیام بھی عمل میں لایا اور قومی کھیل کی ترویج و ترقی میں اپنا حصہ ڈالا۔

سابق چیف آف جنرل سٹاف و ڈی جی ملٹری آپریشنز لیفٹیننٹ جنرل ر اشفاق ندیم کے انتقال پر ملال پر پاکستان ہاکی فیڈریشن کے صدر بریگیڈیئر ر خالد سجاد کھوکھر اور سیکرٹری جنرل پی ایچ ایف اولمپین آصف باجوہ نے گہرے غم اور افسوس کا اظہار کیا ہے۔ اپنے تعزیتی پیغام میں کہا کہ مرحوم بہترین خدادادصلاحیتوں کے مالک تھے اور انکے انتقال پر اہل خانہ کے لئے صبر اور مرحوم کے درجات کو بلند کرنے کی بھی اللہ کریم سے دعا کی گئی ہے۔